लव्ह जिहादचा डाव उधळला; डेहराडून रेल्वे स्थानकात तुफान राडा

27-Sep-2024

Total Views | 85

मुंबई (विशेष प्रतिनिधी) : (Dehradun Love Jihad Case) उत्तराखंडच्या डेहराडून रेल्वे स्थानकावर दोन गटांत तुफान राडा झाल्याचे निदर्शनास आले आहे. एक हिंदू तरुणी बदायूंहून जेव्हा डेहराडूनला पोहोचली, तेव्हा तिचा मुस्लिम प्रियकर तिला घेण्यासाठी रेल्वेस्थानकात आला होता. हिंदू तरुणीचे नातेवाईक त्या ठिकाणी उपस्थित होते. त्यांनी हिंदू संघटनांच्या कार्यकर्त्यांच्या मदतीने तरुणीला आपल्या कह्यात घेतले.

हे वाचलंत का? : अमेरिकेत हिंदू मंदिरांवर हल्ले; स्वामी अनिरुद्धाचार्यंची यूएस सरकारकडे महत्त्वाची मागणी

रेल्वे स्थानकाच्या आजूबाजूला राहणारे मुस्लिम समाजाचे लोकही मुलाच्या बाजूने उभे राहिले आणि त्यांनी संघटनेच्या कार्यकर्त्यांवर दगडफेक करण्यास सुरुवात केली. बातमी मिळताच एसएसपी अजय सिंह मोठ्या फौजफाट्यासह घटनास्थळी पोहोचले. त्यानंतर पोलिसांनी परिस्थिती नियंत्रणात आणण्यासाठी लाठीचार्ज केला.

मुस्लीम मुलगा बदायूंचा रहिवासी असून सेलाकोई येथील एका कारखान्यात काम करतो, असे सांगण्यात येते. त्याचा हिंदू तरुणीशी संपर्क सोशल मीडियाच्या माध्यमातून झाला होता. बदायूंमधून मुलगी बेपत्ता होताच तिच्या कुटुंबीयांना ती डेहराडूनला आल्याचा संशय आला, त्यानंतर तिचे नातेवाईक येथे सक्रिय झाले.

उत्तराखंड डेहराडून रेल्वे स्थानक हिंदू तरुणी मुस्लिम प्रियकर बदायूं