१४ शासकीय औद्योगिक प्रशिक्षण संस्थांच्या नामकरणास मंत्रिमंडळाची मंजुरी- कॅबिनेट मंत्री मंगल प्रभात लोढा

मुंबई, २३ सप्टेंबर : कॅबिनेट मंत्री मंगल प्रभात लोढा यांनी आज मंत्रिमंडळाच्या बैठकीनंतर राज्यातील १४ शासकीय औद्योगिक संस्थांचे नामकरण होणार असल्याची घोषणा केली. महाराष्ट्रातील फक्त २ औद्योगिक संस्था सोडल्या तर इतर औद्योगिक संस्थांना कोणत्याही प्रकारची नावे नाहीत. त्या अनुषंगाने १४ औद्योगिक संस्थांचे नाव बदल व्हावे यासाठी मागणी करण्यात आली होती. त्यानुसार राज्यतील १४ शासकीय औद्योगिक संस्थांना थोर समाजसुधारकांचे नाव देण्याच्या प्रस्तावाला मंत्रिमंडळ बैठकीत मंजुरी मिळाली असल्याचे कॅबिनेट मंत्री मंगल प्रभात लोढा यांनी सांगितले. उर्वरित शासकीय औद्योगिक संस्थांचे नामकरण करण्याबाबत नागरिकांच्या सूचना लक्षात घेतल्या जातील. नागरिक आपल्या सूचना व्यवसाय शिक्षण व प्रशिक्षण संचालनालयाकडे सुपूर्द करू शकतात असे देखील मंत्री लोढा यांनी यावेळी सांगितले.