"नरेंद्र मोदींच्या शब्दाचे पालन करून आपण सर्वजण पुढे जाऊ" - NDAच्या घटक पक्षांची भूमिका

 

 

नवी दिल्ली : राष्ट्रीय राजधानी नवी दिल्लीत एनडीएच्या सर्व खासदारांची बैठक झाली, ज्यामध्ये नरेंद्र मोदी यांची संसदीय पक्षाच्या नेतेपदी निवड करण्यात आली. यासह, आता एनडीए आघाडी सरकार स्थापनेसाठी राष्ट्रपतींकडे आपला दावा सादर करेल. नरेंद्र मोदी शनिवार, दि. ८ जून २०२४ सलग तिसऱ्यांदा पंतप्रधानपदाची शपथ घेतील. यावेळी टीडीपीचे चंद्राबाबू नायडू म्हणाले की नरेंद्र मोदी यांनी नेहमीच जनतेसाठी काम केले आहे आणि ते एनटीआरच्या मानवतेच्या तत्त्वांचे पालन करतात.

 

हा आपल्या आयुष्यातील सर्वात अभिमानाचा क्षण असल्याचे त्यांनी सांगितले. दरम्यान, बिहारचे मुख्यमंत्री नितीश कुमार म्हणाले की, त्यांचा पक्ष जेडीयू भारताच्या पंतप्रधानपदासाठी भाजप संसदीय पक्षाचे नेते नरेंद्र मोदींना पाठिंबा देतो. ही आनंदाची बाब असल्याचे सांगून ते म्हणाले की, ते १० वर्षे पंतप्रधान आहोत आणि पुन्हा होणार आहोत. ते म्हणाले की, पंतप्रधान मोदींनी देशाची सेवा केली आणि जे काही शिल्लक आहे ते पूर्ण करू. मी कायम पंतप्रधान मोदींच्या पाठीशी असून ते जे काही करतील त्याला पाठिंबा देणार असल्याचे त्यांनी स्पष्ट केले.

 

 

यावेळी इंडी आघाडीने जिंकलेल्या जागांचा उल्लेख करताना ते म्हणाले की, यावेळी त्यांना काही जागा मिळाल्या आहेत, भविष्यात आपण सर्व मिळून निवडणूक लढलो तर एकही जागा त्यांना जिंकू देणार नाही. नितीश कुमार म्हणाले की, विरोधकांनी देशात कोणतेही काम केले नाही, पण नरेंद्र मोदींनी देशाची खूप सेवा केली आहे आणि त्यामुळेच त्यांना ही संधी मिळाली आहे. आता विरोधी पक्षांना वाव राहणार नाही, बिहार आणि देश पुढे जाईल, असे ते म्हणाले.

 

नितीश कुमार म्हणाले की, पंतप्रधान नरेंद्र मोदींना जे काही हवे आहे, आम्ही सर्व त्याचे पालन करू आणि सदैव त्यांच्यासोबत राहू, ते देशाला पुढे नेतील. पंतप्रधानपदाचा शपथविधी लवकरात लवकर झाला पाहिजे, आजही झाला तर बरे होईल कारण काम लवकर सुरू होईल, असे आवाहन त्यांनी केले. कुणाला इकडे तिकडे करायचे असले तरी काही उपयोग नाही, असे ते म्हणाले. नरेंद्र मोदींच्या शब्दाचे पालन करून आपण सर्वजण पुढे जाऊ, असे ते म्हणाले.