ठाकरेंना दणका! नारायण राणेंच्या रुपात कोकणात कमळ फुलले
04-Jun-2024
Total Views |
रत्नागिरी : रत्नागिरी-सिंधुदुर्ग लोकसभा मतदारसंघात केंद्रीय मंत्री आणि भाजपचे उमेदवार नारायण राणे यांचा दणदणीत विजय झाला आहे. नारायण राणेंनी उबाठा गटाच्या विनायक राऊतांचा मोठ्या मताधिक्याने पराभव करत कोकणात भाजपचे कमळ फुलवले आहे.
कोकणाच्या जनतेचे मन:पूर्वक आभार !
कोकणातील जनतेने व मतदारांनी पुन्हा माझ्यावर विश्वास ठेवून, मला खूप प्रेम, आशीर्वाद आणि पाठिंबा दिल्याबद्दल मी माझ्या रत्नागिरी-सिंधुदुर्ग लोकसभा मतदारसंघातील जनतेचे व मतदारांचे मनापासून कृतज्ञता व्यक्त करतो. मला अभिमान आहे की, आदरणीय पंतप्रधान… pic.twitter.com/1abVXa7Wop
— Narayan Rane (मोदी का परिवार) (@MeNarayanRane) June 4, 2024
रत्नागिरी-सिंधुदुर्ग लोकसभा मतदारसंघात भाजप विरुद्ध उबाठा अशी थेट लढत होती. याठिकाणी केंद्रीय मंत्री नारायण राणे आणि उबाठा गटाचे विनायक राऊत यांच्यात सामना रंगला होता. दरम्यान, या निवडणूकीत नारायण राणेंना ४ लाख ४८ हजार ५१४ मतं मिळाली आहेत. तर विनायक राऊतांना ४ लाख ६५६ मतं मिळाली आहेत. नारायण राणेंनी तब्बल ४७ हजार ८५८ मताधिक्याने लीड घेतली आहे.
नारायण राणेंच्या कार्यकर्त्यांकडून विजयाचा जल्लोष साजरा करण्यात येत आहे. दरम्यान, या विजयाबद्दल नारायण राणेंनी कोकणच्या जनतेचे आभार मानले आहेत. तसेच भविष्यात कोकणाचा विकास नव्या उंचीवर नेण्याचे आश्वासनही त्यांनी दिले आहे.