बेकायदेशिर मशिदीला हटवण्यासाठी गेलेल्या पथकावर दगडफेक; कारवाई थांबवण्यासाठी महिलांचा वेढा

 

नवी दिल्ली : दिल्लीतील मंगोलपुरी येथील मशिदीच्या बेकायदा बांधकामावर एमसीडीने कारवाई केली आहे. येथे एमसीडीने एका मशिदीचा बेकायदेशीर भागही पाडला. मशिदीचे बेकायदा बांधकाम हटवताना बराच गदारोळ झाला होता. या गोंधळादरम्यान मशिदीचा बेकायदेशीर भाग पाडण्यात आला.

 

मीडिया रिपोर्ट्सनुसार, एमसीडी टीम पोलिस आणि केंद्रीय सुरक्षा दलांसह मंगळवार, दि. २५ जून २०२४ सकाळी मंगोलपुरीच्या वाय ब्लॉकमध्ये पोहोचली. काही बेकायदा बांधकामे पाडण्यासाठी पथक येथे पोहोचले होते. या बेकायदा बांधकामांबाबत तक्रार करण्यात आली होती. या बेकायदा बांधकामांमध्ये एका मशिदीचा काही भागही सामील होता.

 

जेव्हा एमसीडी आणि सुरक्षा दल येथे पोहोचले तेव्हा मोठ्या संख्येने मुस्लिम महिला आणि पुरुष मशिदीच्या वर चढले आणि या कृतीचा निषेध करू लागले. यानंतर त्यांनी अतिक्रमण हटवण्यासाठी आलेल्या पथकाला घेरावही घातला. यानंतर दंगलखोर जमावाने पोलिस आणि एमसीडीवरही दगडफेक केल्याची माहिती समोर आली आहे.

 

 

मुस्लिम महिला आणि पुरुषांनी मशिदीच्या बेकायदेशीर भागाचे संरक्षण करण्यासाठी मानवी भिंत तयार केल्याचे वृत्त आहे. काही भाग तोडल्यानंतर एमसीडी टीमने येथील काम बंद केल्याचीही माहिती समोर आली आहे. एमसीडीच्या अधिकाऱ्यांनी सांगितले की, बांधकाम खूप मजबूत आहे आणि ते पाडण्यासाठी मोठी मशीन आणावी लागेल.

 

अतिक्रमण हटवण्याच्या मोहिमेत अडथळा आणणाऱ्या लोकांना मंगोलपुरी येथून ताब्यात घेण्यात आल्याची माहिती आहे. उल्लेखनीय आहे की दिल्लीतील एमसीडी काही काळापासून अतिक्रमणाविरोधात सातत्याने कारवाई करत आहे. तक्रारीनंतर मंगोलपुरीचे अतिक्रमणही हटविण्यात येत होते.

 

यापूर्वी दिल्लीच्या जामा मशिदीनेही सार्वजनिक उद्यानात अतिक्रमण केल्याचे समोर आले होते, याबाबत मोहम्मद अर्सलान नावाच्या व्यक्तीने याचिका दाखल केली होती. या प्रकरणी सुनावणी करताना दिल्ली उच्च न्यायालयाने एमसीडीला ताबा परत न घेतल्याबद्दल फटकारले होते.