शेअर बाजार अपडेट: बाजारातील सुरूवात वाढीने सेन्सेक्स ९०.५७ व निफ्टी ५०.०० अंशाने वाढला

 

 

मुंबई: आज इक्विटी बेंचमार्क निर्देशांकात सकाळी वाढ झाली आहे. सेन्सेक्स व निफ्टी निर्देशांकात वाढ झाल्याने बाजारातील भावना व गुंतवणूकदारांचा आशा पल्लवित झाल्या आहेत. विशेषतः युएस बाजारातील घडामोडींनंतरदेखील भारतातील अर्थव्यवस्थेने वेग पकडल्याने बाजारात उत्साहाचे वातावरण आहे. आज सकाळी कालच्या रॅलीनंतर पुन्हा वाढ होत सेन्सेक्स ९०.५७ अंशाने वाढत ७६९०२.६१ पातळीवर पोहोचला आहे तर निफ्टी निर्देशांक ५०.०० अंशाने वाढत २३४४८.९० पातळीवर पोहोचला आहे.

 

सेन्सेक्स बँक निर्देशांकात पडझडीनंतर पुन्हा वाढ झालेली आहे. सेन्सेक्स बँक निर्देशांक १७८.८३ अंशाने वाढत ५६९२८.२० पातळीवर पोहोचला आहे तर निफ्टी बँक निर्देशांकातही वाढ होत निर्देशांक २०४.१५ अंशाने वाढत ५००५०.८५ पातळीवर पोहोचला आहे. बीएसईतील मिडकॅप व स्मॉलकॅपमध्ये अनुक्रमे ०.५८ व ०.७० टक्क्यांनी वाढ झाली आहे. एनएसई मिडकॅप व स्मॉलकॅपमध्ये अनुक्रमे ०.५८ व ०.७० टक्क्यांनी वाढ झाली आहे.