आता लघू मध्यम उद्योजकांना ४५ मिनिटांत कर्ज

 

 

मुंबई: गेल्या १० वर्षात मोदी सरकारने लघू , सूक्ष्म, मध्यम उद्योग (MSME) यांना अनन्यसाधारण महत्त्व दिले आहे. या उद्योगांना कर्ज पुरवठा करण्यापासून विविध आर्थिक सहाय्य सरकारने विविध योजनांतर्गत केले होते. आता एसबीआय (State Bank of India) ने पुढाकार घेतला असून छोट्या व मध्यम उद्योगांना कर्ज पुरवठा तत्काळ करण्याचे ठरवले आहे.

 

एमएसएमई उद्योगांना तत्काळ कर्जपुरवठा करण्यासाठी केवळ ४५ मिनिटांत कर्ज देण्याची योजना बँकेने आखली आहे. छोट्या उद्योजकांना आपला व्यवसाय सुरू करण्यासाठी तसेच व्यवसाय वृद्धिंगत करण्यासाठी एसबीआयने आपल्या भागीदारांमार्फत क्यू आर कोड (QR Code) मार्फत ही योजना अंमलात आणली जाऊ शकते असे सांगितले जात आहे.

 

आजच एसबीआयने कर्ज वितरणासाठी संचालक मंडळामार्फत ४ अब्ज डॉलर्सचा निधी उभारण्यासाठी निर्णय घेतला होता.मु ख्यतः हा निर्णय कर्ज पुरवठा वाढीसाठी करण्यात आला होता. एसबीआयचा कर्जाच्या वाढत्या मागणीमुळे हा निर्णय घेण्यात आ ल्याचे बँकेने म्हटले होते. आता एसबीआयने एमएसएमई व्यवसायांसाठी कर्ज पुरवठा उपलब्ध करण्याची योजना आखली आहे.

 

आर्थिक वर्ष २०२३-२४ मध्ये बँकेच्या एसएमई (SME) कर्ज वाटप २० टक्क्यांनी वाढ होत ४.३३ लाख कोटींवर पोहोचले होते.आ र्थिक वर्ष २०२०-२१ तुलनेत ९.४३ टक्यांच्या तुलनेत यावर्षी ३.७५ टक्क्यांनी घसरण झाली आहे. या नव्या कर्ज उत्पादनाचे ब्रँडिग 'A Significant Leap Forward' असे करण्यात आले आहे. याविषयी बोलताना बँकेचे चेअरमन दिनेश खरा म्हणाले,'एमएसएमई इकोसिस्टीम मध्ये यशस्वी फूटप्रिंट बनवत आम्हाला कर्जवाटप प्रकिया सुलभ व सुरळीत करायची आहे जेणेकरून आमची बँक एसएमई क्षेत्रातील कर्ज पुरवठा करणारी अग्रेसर बँक ठरेल.'

 

आरटीआर, जीएसटी रिटर्न, बँक स्टेटमेंट अशा कागदपत्रांची पूर्तता झाल्यास हे कर्ज सहज उपलब्ध होऊ शकते. याविषयी बँक क्रेडिट असेसमेंट करून १० सेकंदाच्या आत कर्ज पारित करू शकते असे बँकेच्या वतीने सांगण्यात आले आहे. ५० लाखांच्या रक्कमेपर्यंत कर्ज हवे असल्यास अतिरिक्त फायनाशियल स्टेटमेंटची गरज भासणार नाही केवळ जीएसटी रिटर्न, व्यवहारांची पार्श्वभूमी केवळ तपासली जाऊ शकते.