एक्झिट पोल : राज्यात महायुती-मविआ काँटे की टक्कर!

मुंबई :         लोकसभा निवडणूक २०२४ करिता एक्झिट पोल जाहीर करण्यात आलेले आहेत. त्यानुसार, राज्यात लोकसभेच्या एकूण ४८ जागांपैकी महायुतीला २४ जागा तर मविआला २३ जागा मिळण्याची शक्यता आहे. एबीपी-सीव्होटर च्या सर्व्हेनुसार राज्यात महायुती व मविआ यांच्यात काँटे की टक्कर पाहायला मिळणार आहे. भाजपला १७ जागा, शिवसेना शिंदे गटाला ०६ जागा तर उबाठा गटाला ०९ जागा, शरद पवार गटाला ०६ जागा व काँग्रेसला राज्यात ०८ जागा मिळण्याची शक्यता आहे.

दरम्यान, अंतिम टप्प्यातील मतदान पार पडले असून येत्या ४ जूनला निकालाचे चित्र स्पष्ट होणार आहे. तत्पूर्वी, एक्झिट पोलच्या माध्यमातून निकालाचा अंदाज समोर येणार आहे. सायंकाळी ६:३० नंतर एक्झिट पोल स्पष्ट होतील. त्यानुसार, लवकरच एक्झिट पोलचे निकाल जाहीर केले जाणार आहेत. एनडीए विरुध्द इंडी आघाडी यांच्यात नेमकी बाजी कोण मारणार, हे लवकरच स्पष्ट होणार आहे.