देशभरातील संतांनी साजरा केला ५०० वर्षांची परंपरा असलेला 'धुलोट महोत्सव'

मुंबई (प्रतिनिधी) : (Dhulot Mahotsav) उत्तर प्रदेशच्या ब्रज येथे गिरीराज महाराजांच्या पायथ्याशी बांधलेल्या राधाकुंडात अनेक संतांनी भजन गात नुकताच धुलोट महोत्सव साजरा केला. या महोत्सवात देशाभरातील विविध प्रांतातील संतगण सहभागी झाले होते. भगवान श्रीकृष्णांनी आपल्या लीला याठिकाणी सादर केल्या होत्या, अशी मान्यता आहे. श्रीकृष्ण आणि राधेच्या चरण स्पर्शांमुळे येथील माती पवित्र झाल्याचे सांगितले जाते. गोवर्धनमध्ये ५०० वर्षांहून अधिक काळापासून धुलोट उत्सव साजरा करण्याची परंपरा सुरू आहे.