अखेर मणिशंकर अय्यरही मैदानात, पाकप्रेम दाखवून काँग्रेसला आणले अडचणीत

 

समाजमाध्यमांवर अय्यर यांचा एक व्हिडीओ व्हायरल झाला आहे. ज्यामध्ये अय्यर यांनी पाकिस्तानशी चर्चेचे समर्थन करत सरकारला आवाहन केले की, पाकिस्तान हा एक सार्वभौम देश असून त्यांच्याशी सन्मानानेच वागले पाहिजे. पाककडे अणुबॉम्ब आहे आणि तेथे कोणी माथेफिरू सत्तेत आले आणि लाहोर स्टेशनवर अणुबॉम्बचा स्फोट झाला तर अवघ्या काही सेकंदात त्याचा परिणाम अमृतसरवर होईल. अशा परिस्थितीत चर्चेतून बॉम्बचा वापर थांबवण्याचा प्रयत्न केला पाहिजे. त्यांच्याशी बोलून त्यांचा आदर करण्याचा प्रयत्न केला, तरच ते बॉम्बचा वापर करणार नाही. भारताला विश्वगुरू व्हायचे असल्यास पाकसोबत चर्चा करणे गरजेचे, असेही अय्यर यांनी म्हटले आहे.

 

काँग्रेसने पक्षाचे नेते मणिशंकर अय्यर यांच्या पाकिस्तानबद्दलच्या वक्तव्यापासून हात झटकले आहेत. काँग्रेस नेते पवन खेडा यांनी सोशल मीडिया प्लॅटफॉर्म 'एक्स' वर लिहिले की, अय्यर यांची भूमिका ही काँग्रेस पक्षाची अधिकृत भूमिका नसून काँग्रेस त्या वक्तव्याशी असहमत आहे.