अनिल परबांनी आधी उद्धव ठाकरे-संजय राऊतांच्या घोटाळ्यांचा हिशोब मागावा : किरीट सोमय्या

 

मुंबई : अनिल परबांनी आधी उद्धव ठाकरे-संजय राऊतांच्या घोटाळ्यांचा हिशोब मागावा, असे प्रत्युत्तर भाजप नेते किरीट सोमय्यांनी दिले आहे. तसेच पंतप्रधान नरेंद्र मोदींसाठी महाराष्ट्रातील ४८ जागांवर प्रचार करणार असल्याचेही त्यांनी म्हटले. त्यांनी बुधवारी टीव्ही ९ मराठी या वृत्तवाहिनीशी संवाद साधला.

 

 

 

 

 

ते पुढे म्हणाले की, "नरेंद्र मोदींना देशाचं पंतप्रधान बनवणं आणि हिंदुस्तानाला पहिल्या क्रमाकांची महासत्ता बनवण्याला मी कधीही समझौता म्हणणार नाही. ही देशासाठी अभिमानाची बाब आहे. आज देश पंतप्रधान निवडतो आहे. त्या नकली सेनेच्या नेत्याला ३ महिन्यांसाठी पंतप्रधान व्हायचं असेल तर त्यात आम्ही समझौता करुच शकत नाही. देशाला नरेंद्र मोदीच पंतप्रधान हवे आहेत. त्यामुळे आम्ही प्रत्येक मतदाराकडे जात हात जोडून अबकी बार चारसों पार असं सांगणार आहोत," असेही ते म्हणाले.