किरण रावचा ‘लापता लेडीज’ चित्रपट आता ओटीटी गाजवण्यास सज्ज

 

 

 

मुंबई : ‘धोबी घाट’ या २०१० मध्ये चित्रपटाच्या दिग्दर्शनाची धुरा सांभाळल्यानंतर ‘लापता लेडीज’ (Lapata Ladies) चित्रपटाच्या माध्यमातून पुन्हा एकदा दिग्दर्शकाच्या खुर्चीत बसलेल्या किरण रावचा हा चित्रपट आता ओटीटीवर प्रदर्शित होणार आहे. चित्रपटाचा (Lapata Ladies) विषय हा फार वेगळा असून यात कोणताही मोठा सुपरस्टार कलाकार प्रमुख भूमिकेत नसूनही हा चित्रपच बॉक्स ऑफिसवर बऱ्यापैकी तग धरु शकला.

  

१ मार्च रोजी प्रदर्शित झालेल्या किरण रावच्या ‘लापता लेडीज’ या चित्रपटाचे बजेट ११ कोटी होते. पण बॉक्स ऑफिस कलेक्शन २०.४९ कोटी करत चित्रपटाने यश मिळवले. महिला सक्षमीकरणावर भाष्य करणारा हा चित्रपट अतिशय हलक्याफुलक्या पद्धतीने हाताळला आहे.

 

 

 

‘लापता लेडीज’ या चित्रपट नेटफ्लिक्सवर प्रेक्षकांना पाहायला मिळणार आज २६ एप्रिल रोजी तो ओटीटीवर प्रदर्शित झाला आहे. ‘लापता लेडीज’ या चित्रपटाची निर्मिती आमिर खानने केली होती. या चित्रपटात प्रतिभा रंता, नितांशी गोयल, स्पर्श श्रीवास्तव, रवी किशन, छाया कदम यांच्यासह अनेक कलाकारांनी महत्त्वाच्या भूमिका साकारल्या होत्या.