मुंबई : गुडीपाडव्याच्या शुभमुहुर्तावर (Girangaon Shobhayatra) गिरणगाव सांस्कृतिक प्रतिष्ठान (लालबाग-परळ) यांनी दरवर्षीप्रमाणे यावर्षीदेखील भव्य शोभायात्रा आयोजित केली आहे. 'आले रामराज्य भुवरी' ही शोभायात्रेची यंदाची संकल्पना असून प्रभू श्रीरामचंद्रांची भव्य मूर्ती विशेष आकर्षण असणार आहे. मंगळवार, ९ एप्रिल रोजी सकाळी ७ ते दुपारी १२ वा. या वेळेत शोभायात्रा निघेल. यात्रेचा आरंभ श्रीस्वामी समर्थ मठ, परळ रेल्वे वर्कशॉपपासून होईल, तर यात्रेचा समारोप चिंचपोकळी दक्षिण विभाग सार्वजनिक गणेशोत्सव मंडळ - गिरणगावचा राजा येथे होईल. मराठमोळ्या पोशाखात, वाजतगाजत, जल्लोषात निघणाऱ्या शोभायात्रेसाठी मोठ्या संख्येने सर्वाना शोभायात्रेत सहभागी होऊन गिरणगावची शान वाढवण्याचे आवाहन आयोजकांनी केले आहे.
प्रभू श्रीरामचंद्रांची भव्य मूर्ती (दुर्गामाता सार्वजनिक उत्सव मंडळ, परळ), बाहुबली हनुमान, श्रीराम मंदिर प्रतिकृती (म्हसोबा मंदिर समिती), प्रभू श्रीरामचंद्रांचा चित्ररथ-भगवाधारी महिलांचे पथसंचलन (स्वयंसिद्धा महिला मंडळ, परळ), महिला लेझिम पथक (दुर्गामाता सा.उ. महिला मं. / काळेवाडी महिला मंडळ), मंर्दानी खेळ (पारंपारिक), ढोल पथक (पारंपारिक), भारतमाता पालखी, श्रीराजा शिवछत्रपती चित्ररथ, दुचाकी संचलन या सर्व गोष्टी शोभायात्रेतील खास आकर्षण असेल. अशी माहिती गिरणगाव सांस्कृतिक प्रतिष्ठान (लालबाग-परळ) चे अध्यक्ष शशिकांत दळवी यांनी दिली. अधिक माहितीसाठी संपर्क - प्रविण राणे (९७७३६६१२९३), विजयकुमार मिश्रा (९९३०२९८७८७), सुनिल चुडनाईक (९७७३२७१८७८)