कीर्ती महाविद्यालयामध्ये 'जयंतस्मृती' चे आयोजन

मुंबई : 'विज्ञानाचा समाजाला फायदा होऊ शकतो असे म्हणणे पुरेसे नाही, परंतु प्रत्यक्षात तसे होणे आवश्यक आहे. विज्ञानांचे लाभार्थी मग विज्ञानचे प्रवर्तक होतील अशा समाजात विज्ञान कधीच मरणार नाही' असे प्रतिपादन प्रो. डॉ. वी. एन जगताप (S.N. Bose नॅशनल सेंटर फॉर वेसिक सायन्सचे अध्यक्ष) यांनी केले.दादरच्या कीर्ती महाविदयालयात स्व. जयंतराव सहस्त्रबुध्दे हयांच्या जयंतीनिमित्त 'जयंतस्मृती' या कार्यक्रमात 'भारताच्या सर्व समावेशक विकासासाठी विज्ञान आणि तंत्रज्ञान' या व्याख्यानात ते बोलत होते. समाजपयोगी विज्ञानासाठी आपण काय केलं पाहिजे यावर अनेक उदाहरणातून प्रकाशझोत टाकला. मुंबई विद्यापीठ डेक्कन एज्युकेशन सोसायटी आणि विज्ञान भारती यांच्या संयुक्त विदयमाने 'जयंतस्मृती' या कार्यक्रमाचे आयोजन करण्यात आले होते.

 

याप्रसंगी व्यासपीठावर अध्यक्ष डॉ. अजय भामरे (प्र. कुलगुरू, मुंबई विदयापीठ), डेक्कन एज्युकेशन सोसायटीचे प्रबंधक डॉ. एम. बी. केकरे उपस्थित होते.अखिल भारतीय स्तरावर स्वदेशी विज्ञान चळवळ सुरू करण्यासाठी १९९१ मध्ये विज्ञान भारती ही संघटना उदयास आली. यांच्या देशभरात २२ राज्यांमध्ये शाखा आहेत. अनेकविध क्षेत्रामध्ये संस्थेचे काम चालू असते. स्वदेशी भावनेसह गतिशील विज्ञान चळवळ म्हणजे विज्ञान भारती. शर्व भारतीय भाषांमध्ये स्वदेशी चेतनेसह विज्ञान चळवळ सक्रीय करणे या मुख्य उद्देशाने विज्ञान भारती कार्यरत असते.