बाबा अमरनाथची यात्रा २९ जूनपासून होणार सुरू!

श्री अमरनाथ श्राइन बोर्ड लवकरच नोंदणीसाठी अधिकृत बँकांच्या शाखांबद्दल तपशीलवार माहिती प्रदान करेल. नोंदणीसाठी आरोग्य प्रमाणपत्र आवश्यक आहे, त्यामुळे देशभरातील राज्ये आणि केंद्रशासित प्रदेशांमध्ये रुग्णालये आणि आरोग्य प्रमाणपत्रे बनविणाऱ्या डॉक्टरांच्या पथकांची यादीही प्रसिद्ध केली जाईल. याशिवाय गट नोंदणीसाठी मार्गदर्शक तत्त्वेही लवकरच जारी करण्यात येणार आहेत. या वर्षी देखील बाबा अमरनाथच्या पवित्र गुहेतील आरतीचे थेट प्रक्षेपण जुलै महिन्यात होणार आहे.