रणबीरचा 'रामायण' एक नाही तर तीन भागांत होणार प्रदर्शित

 

 

 

मुंबई : नितेश तिवारी दिग्दर्शित ‘रामायण’ (Ramayan) चित्रपटाची गेल्या बऱ्याच दिवसांपासून चर्चा सुरु आहे. या चित्रपटात अभिनेता रणबीर कपूर (Ranbir Kapoor) प्रभू श्रीराम यांच्या भूमिकेत दिसणार आहे. आता या चित्रपटाबद्दल मोठी अपडेट समोर आली आहे. ‘रामायण’ (Ramayan) हा चित्रपट एक नव्हे तर तब्बल तीन भागांमध्ये प्रदर्शित केला जाणार आहे.

 

नितेश तिवारींच्या ‘रामायण’ या चित्रपटात रणबीर कपूर, साई पल्लवी, यश, सनी देओल अशी हिंदी आणि दाक्षिणात्य कलाकारांची फौज दिसणार आहे. मिळालेल्या माहितीनुसार तीन भागांमध्ये प्रदर्शित होणाऱ्या या चित्रपटाच्या पहिल्या भागात प्रभू रामाचं बालपण ते वनवास, सीतेचे हरण अशा महत्वपुर्ण घटना दाखवण्यात येणार आहेत. तर 'रामायण'च्या दुसऱ्या भागात प्रभू राम आणि लक्ष्मण यांची भेट, हनुमान, वानर सेना, रामसेतू या गोष्टी उलगडण्यात येतील. आणि तिसऱ्या भागात वानर सेना आणि रावण सेना यांच्यातील युद्ध दाखवण्यात येईल, असे सांगितले जात आहे.