६ अल्पवयीन मुलींवर बलात्कार; 'मौलवी मेहंदी शेख'ला कोर्टाने सुनावली जन्मठेपेची शिक्षा

 

 

मुंबई : भूतविद्याच्या आडून अल्पवयीन मुलींवर बलात्कार करणाऱ्या मौलवी मेहंदी कासिम जैनुल अबीदिन शेखची जन्मठेपेची शिक्षा मुंबई उच्च न्यायालयाने कायम ठेवली आहे. मौलवी मेहंदी कासिम बंगाली बाबा या नावाने प्रसिद्ध होता, तो स्वतःला तांत्रिक म्हणवत असत. मेहंदी गेल्या ५ वर्षांपासून ६ अल्पवयीनांसह ७ मुलींवर बलात्कार करत होता. या प्रकरणात त्याला दोषी ठरवत कनिष्ठ न्यायालयाने त्याला जन्मठेपेची शिक्षा सुनावली होती.

 

मुंबई उच्च न्यायालयाच्या खंडपीठाने याचिकाकर्ते शेख यांचे अपील फेटाळून लावताना म्हटले आहे की, “आमच्या काळातील हे दुर्दैवी वास्तव आहे की लोक त्यांच्या समस्या सोडवण्यासाठी कधी कधी भोंदू बाबांचे दरवाजे ठोठावतात" न्यायालयाने पुढे म्हटले आहे की, “खंडणीखोर केवळ त्यांच्या कमकुवतपणाचा फायदा घेऊन त्यांच्याकडून पैसे उकळत नाहीत, तर काहीवेळा पीडितांचा लैंगिक छळ देखील करतात.

 

हे वाचलंत का? -  "गैर मुस्लीमांशी बोलू नका, शरियाचे पालन करा अन्यथा..." - कट्टरपंथी संघटनेची धमकी

 

अपीलकर्त्याने पीडितेच्या आईच्या भीतीचा पुरेपूर फायदा घेतला आणि मुलींच्या पुनर्प्राप्तीचे आश्वासन देऊन तिच्या भीतीचा वापर केला आणि या प्रक्रियेत तिचे आर्थिक शोषणही केले." आपल्या निर्णयात, उच्च न्यायालयाने मेहंदीच्या कृत्याचे वर्णन 'छळ' असे केले आणि ते कठोर शिक्षेस पात्र मानले. मीडिया रिपोर्ट्सनुसार, ३७ वर्षीय मेहंदी शेख मुंबईतील पायधुनी भागातील मरियम टॉवरमध्ये राहतात.

 

कुराण आणि इतर धार्मिक पुस्तके शिकवण्यासाठी तो पीडितेच्या कुटुंबाला भेटायला जायचा. येथे तीन सख्ख्या बहिणींनी मौलवी यांच्याकडून धार्मिक शिक्षण घेतले. अल्पावधीतच मौलवी या मुलींच्या आईच्याही जवळ आले. २००५ ते २०१० या काळात मौलवींनी या मुलींवर आणि अनेक महिलांवर अनेकदा बलात्कार केला. त्यावेळी या मुलींचे वय ५ ते १६ वर्षे दरम्यान होते. बलात्कारानंतर मौलवी मेहंदी कासिम शेख या मुलींना तोंड बंद ठेवण्याची धमकी द्यायचा.

 

 

यातील चार मुलींचा गर्भपातही झाला आहे. अखेर लैंगिक अत्याचाराला कंटाळलेल्या मुलींनी याबाबत वडिलांकडे तक्रार केली. याप्रकरणी मुलीच्या वडिलांनी पोलिसांत तक्रार केली. अखेर हा गुन्हा मुंबईतील जेजे मार्ग पोलीस ठाण्यात दाखल करण्यात आला. आरोपी मौलवी मेहंदीवर भादंवि कलम ४६५, ४६६, ४७१, २९२, ३२३, ३७६, ३१२, ३१३, ३१४, ४१६, ५०६ आणि ४२० अन्वये कारवाई करण्यात आली.

 

तपासादरम्यान, पोलिसांनी मौलवींच्या लपून बसलेल्या ठिकाणाहून सुमारे एक कोटी रुपयांचे दागिने आणि इतर वस्तू जप्त केल्या होत्या. पीडितेच्या कुटुंबाव्यतिरिक्त इतर लोकांची फसवणूक करून त्याने या सर्व वस्तू गोळा केल्या होत्या. तपासात मौलवींनी शोषण केलेल्या इतर काही पीडितांची प्रकरणेही उघड झाली. यानंतर त्यात आयपीसीचे कलम ३५४ जोडण्यात आले.या प्रकरणी ७ एप्रिल २०१६ रोजी कनिष्ठ न्यायालयाने मौलवी मेहंदी कासिमला जन्मठेपेची शिक्षा सुनावली होती. यासोबतच त्याला ५० हजार रुपयांचा दंडही ठोठावण्यात आला आहे.