जेएनयू विद्यापीठात स्थापन होणार 'छत्रपती शिवाजी महाराज अध्यासन केंद्र'!

 

छत्रपती शिवाजी महाराज अध्यासन केंद्रासाठी सरकारतर्फे १० कोटी रुपयांचा निधी मंजूर करण्यात आला आहे. या अध्यासन केंद्राच्या माध्यमातून मराठी भाषेतील प्रमाणपत्र, अभ्यासक्रम, पदविका, मराठा साम्राज्याची सैन्य व्यूहरचना, किल्ले आणि तटबंदी यामधील पदवी आणि पीएचडीही करता येणे शक्य होणार आहे, अशी माहिती आशिष शेलार यांनी दिली.

तसेच यासाठी त्यांनी मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार आणि सांस्कृतिक कार्य मंत्री सुधीर मुनगंटीवार यांचे आभारही मानले. ते पुढे म्हणाले की, "ज्या विद्यापीठाच्या आवारात भारत तेरे तुकडे हो हजार अशा औरंगजेबी घोषणा झाल्या होत्या, त्याच आवारात छत्रपती शिवाजी महाराज आणि हर हर महादेवचा जयघोष होणार आहे," असेही शेलारांनी आपल्या पोस्टमध्ये म्हटले आहे.