मोदींना मूडीजचा कौल - जीडीपीचे 'हे नवे भाकीत?

मुंबई: ग्लोबल रेटिंग एजन्सी' मूडीज' भारताच्या जीडीपी अनुमानात नवीन माहिती समोर आली आहे. मागील आर्थिक वर्षाच्या ६.१ टंक्याच्या तुलनेत आर्थिक वर्ष २२०४ मध्ये ही वाढ ६.८ टक्क्यांवर पोहोचणार असल्याचे जागतिक पातळीवरील आर्थिक रेटिंग एजन्सी 'मूडीज' ने म्हटले आहे. भारतातील उद्योग क्षेत्रातील मोठ्या घौडदौडीमुळे व औद्योगिक क्षेत्रातील भरीव कामगिरीमुळे ही वाढ होऊन आगामी काळातील आव्हानांना भारताची अर्थव्यवस्था तोंड देऊ शकते असे भाकीत मूडीज संस्थेने केले आहे.

मूडीजने आपल्या अहवालात भारताच्या जीडीपीबददल भाष्य करताना, "भारताच्या अर्थव्यवस्थेने २०२३ मध्ये चांगली कामगिरी केली आहे आणि २२०३ मध्ये अपेक्षेपेक्षा अधिक निकाल दिला आहे. आम्हाला २०२४ च्या वाढीचा अंदाज ६.१ टक्क्यांवरून ६.८ टक्क्यांपर्यंत वाढवता आला आहे. आमच्या अंदाजाच्या क्षितिजापेक्षा G-20 अर्थव्यवस्थांमध्ये भारत सर्वात वेगाने वाढणारा देश राहण्याची शक्यता आहे."

अर्थतज्ज्ञांच्या ६.६ टक्क्यांच्या तुलनेत अनपेक्षितपणे जीडीपी दराने ऑक्टोबर ते डिसेंबर तिमाहीत ८.४ टक्क्यांची वाढ नोंदवली आहे. भारत सरकारने औद्योगिक उत्पादन क्षेत्रातील दिलेल्या प्रोत्साहनामुळे भारतातील औद्योगिक उत्पादन वाढले आहे. औद्योगिक उत्पादनात वाढ झाल्याखेरीज सरकारने भांडवली खर्चात (कॅपिटल एक्स्पेंडिचर)केलेल्या वाढीमुळे त्यांचे निश्चित परिणाम वाढलेल्या विकासदरात परावर्तीत झाल्याचे एजन्सीने म्हटले आहे.

ग्रोस व्हॅल्यू अँडेड (जीवीए) हे एकूण देशातील औद्योगिक उत्पादन वजा प्रत्यक्ष अप्रत्यक्ष कर असते. या मोजमापातील तुलनेत ही जीडीपी (सकल देशांअंतर्गत उत्पादन) वाढले आहे. मूडीजने अहवालात म्हटल्याप्रमाणे विकसनशील देशात व जी २० देशातील भारत ही सर्वात वेगवान अर्थव्यवस्था राहू शकते. मूडीजने आपल्या ग्लोबल मॅक्रो इकोनोमिक ग्लोबल आऊटलूक २०२४ या अहवालात ही नवीन माहिती समोर आणली आहे.

प्रसारमाध्यमांनी दिलेल्या माहितीनुसार, मूडीजने सप्टेंबर, ऑक्टोबर तिमाहीत जीडीपीतील वाढ मार्चमध्ये कायम राहिल असे प्रतिपादन केले आहे. वाढलेले उत्पादन वाढलेले कराचे संकलन, विकास दरवाढ अशा विविध कारणांमुळे अर्थव्यवस्थेला नवी उभारी मिळते आहे. निवडणूकीनंतर अर्थव्यवस्थेतील स्थित्यंतरांबाबत भाष्य करताना , 'मूडीज' ने भारतातील अर्थव्यवस्थेतील धोरणे निवडणूकीनंतर कायम राहतील असा विश्वास व्यक्त केला आहे.

भारतीय औद्योगिक क्षेत्रातील वाढीचा वेग डिसेंबर महिन्यात वाढला होता. उत्पादन व बांधकाम क्षेत्रातील भरघोस वाढीमुळे याला अधिक चालना मिळाली. इयर ऑन इयर बेसिसवर (वर्षांनुवर्षे) उत्पादन १२ % व बांधकाम ९.५ % ने वाढले. सेव क्षेत्रातील व्यापार, रियल्टी, अर्थ सेवा व विविध सेवातील उत्पन्न वाढीमुळे त्याचा सकारात्मक परिणाम अर्थव्यवस्थेवर झाल्याचे मूडीजने आपल्या अहवालात म्हटले आहे.