भारतातून कोळ्यांच्या चार नव्या प्रजातींचा शोध

पर्यावरणीय समतोल राखण्याच्या दृष्टीने महत्त्वपुर्ण भूमिका बजावणारे कोळी संशोधन आणि अभ्यासाच्या दृष्टीकोनातून, मात्र नेहमी मागे पडत राहिले. अशातच भारतामधून एकाचवेळी चार नव्या प्रजातीच्या (jumping spider) संशोधन अहवाल प्रकाशित झाला ही एक सकारात्मक बाजू आहे. महाराष्ट्रातील धाराशिव, सोलापूर आणि तमिळनाडूतील कोइंबतुर आणि विल्लुपुरम या चारही जिल्ह्यांमधून जम्पिंग स्पायडरच्या (jumping spider) प्रत्येकी एक प्रजातीचा नव्याने शोध लावण्यात आला आहे.

या संशोधनामध्ये ऋषिकेश त्रिपाठी, निखिल कुणी, गौतम कदम, कीर्थना कुमारनं आणि अंबालापरंबील सुधीकुमार या संशोधकांनी या प्रजातींचा शोध लावला आहे. या सर्व प्रजाती (jumping spider) स्टेणेलुरीलस वर्गातील आहेत. महाराष्ट्रातील प्रजातींचे स्टेणेलुरीलस सोलापूर आणि स्टेणेलुरीलस नळदुर्ग अशी त्यांच्या प्रदेशानुसार नामकरण करण्यात आले आहे. तर, तमिळनाडूतील प्रजातींपैकी विल्लुपुरममध्ये सापडलेल्या प्रजातीचे ‘स्टेणेलुरीलस फेरल’ आणि कोइंबतुरमध्ये सापडलेल्या प्रजातीचे ‘स्टेणेलुरीलस जुदिथब्लेस्टर्नी’ असे नामकरण करण्यात आले आहे.