रामेश्वरम कॅफे स्फोट! NIA कडून UP तील मौलानाची चौकशी

 

 

लखनौ : कर्नाटकची राजधानी बेंगळुरू येथील प्रसिद्ध रामेश्वरम कॅफेमध्ये झालेल्या बॉम्बस्फोटाच्या तपासात नवनवीन खुलासे होत आहेत. राजाजीनगरमध्ये असलेल्या या कॅफेमध्ये दि. १ मार्च रोजी झालेल्या स्फोटाप्रकरणी अनेकांना अटक करण्यात आली असून, मुख्य संशयितालाही अटक करण्यात आली आहे. पण आता या स्फोटाची तार उत्तर प्रदेशशी जोडलेली दिसत आहे, कारण स्फोटानंतर लगेचच एका धार्मिक केंद्राशी संबंधित मौलाना बंगळुरूहून बरेलीला गेला होता, तो आता परदेशात जाण्याच्या तयारीत होता. या संपूर्ण प्रकरणावर लक्ष ठेवून असलेल्या एनआयएने मौलानाला पकडले.

 

बरेलीच्या भोजीपुरा पोलीस स्टेशन परिसरात असलेल्या धौरतांडा मशिदीशी संबंधित आहे, जिथून एनआयएने एका मौलानाला चौकशीसाठी अटक केली आहे. एनआयएने मौलानाची जवळपास ९ तास चौकशी केली. मौलाना परदेशात जाण्याच्या तयारीत होता आणि बंगळुरू बॉम्बस्फोटानंतर लगेचच तो बरेलीला आला होता, असे सांगण्यात येत आहे. या सर्व दुवे जोडून एनआयएचे लखनौ युनिट सतत बरेलीवर लक्ष ठेवून होते आणि गेल्या तीन दिवसांपासून ट्रॅक करत असताना ते मौलानाच्या घरीही पोहोचले.

 

 

मीडिया रिपोर्ट्सनुसार, बुधवारी, दि. २७ मार्च २०२४ सकाळी बरेलीमध्ये एनआयएची टीम स्थानिक पोलिस आणि नायब तहसीलदारांसह मौलानाच्या घरी पोहोचली, पण मौलाना घरी नव्हता. यानंतर मौलानाच्या वडिलांसह ही टीम एका मशिदीत पोहोचली आणि तिथून मौलानाला ताब्यात घेतले. मौलानाची भूमिका संशयास्पद असल्याचे सांगण्यात येत आहे, त्यानंतर ही चौकशी करण्यात आली.

 

मौलानाला अद्याप अधिकृतरित्या अटक करण्यात आलेली नसली तरी ९ तासांच्या चौकशीनंतर त्याला घरी जाण्यास सांगण्यात आले. याशिवाय त्याने पळून जाण्याचा प्रयत्न करू नये आणि तपासात सहकार्य करावे, अशा सूचनाही देण्यात आल्या आहेत. भोजीपुरा पोलीस ठाण्याचे निरीक्षक जगत सिंग यांनी या संपूर्ण कारवाईला दुजोरा दिला आहे.

 

एनआयएचे पथक गेल्या तीन दिवसांपासून या भागात तळ ठोकून होते. प्रथम मौलानाबाबत संपूर्ण चौकशी करण्यात आली. मौलाना घरात असल्याची खात्री झाल्यानंतर पथकाने छापा टाकला. पथकाने मौलानाचा मोबाईल फोन आणि महत्त्वाची कागदपत्रे जप्त केली आहेत. मोबाईल फोनच्या कॉल डिटेल्सची छाननी करण्यात येणार असल्याचे सांगण्यात येत आहे. सूत्रांवर विश्वास ठेवायचा झाल्यास, मौलानाचा पासपोर्ट जप्त करून त्याला परदेशात जाण्यास बंदी घालण्यात आली आहे. त्याचवेळी एनआयएने बेंगळुरूमधून दोन जणांना ताब्यात घेतले आहे.