स्वामी समर्थांचा अपमान, मुजाहिद शेखवर एफआयआर दाखल!

दरम्यान याप्रकरणी वसई विरार परिसरातील नवघर पोलिस ठाण्यात मुजाहिदविरुद्ध भारतीय दंड संहितेच्या कलम १५३-A , 295 A, यासोबत IT कायदा २००० सह ६६ - C कलम देखील लावण्यात आले आहे. तसेच मुजाहिद शेखला पोलीसांना अटक ही करण्यात आली आहे.याप्रकरणी मीरा रोडच्या भाजप आमदार गीता जैन यांनी मुजाहिदवर कठोर कारवाई व्हावे यासाठी तक्रार दाखल केलीय. याप्रकरणी दै.मुंबई तरुण भारताला प्रतिक्रिया देताना गीता जैन म्हणाल्या की, आरोपी व्यक्तीकडून संतमहात्मांचा आणि पंतप्रधानांचा अपमान करण्यात आलेला असल्याने या दोन्ही गोष्टी अत्यंत निषेधार्ह आहेत. यामुळे हिंदू धर्मियांच्या भावना दुखावल्या गेल्या आहेत. कारण स्वामी समर्थांना मानणारा एक मोठा वर्ग आहे. त्यात आरोपी असे कृत्य वारंवार करत असल्याच्या तक्रारी आल्याने एफआयआर दाखल करावी लागली.मुळात मीरा रोड येथील तणावाचे वातावरण नुकतेच शांत झाले असून अल्पसंख्याक समाजातील व्यक्तीने असे कृत्य करणे अत्यंत गंभीर आहे , असे ही जैन म्हणाल्या.

दरम्यान गीता जैन यांनी वरिष्ठ पोलीस निरिक्षकांना लिहलेल्या पत्रात म्हणटले आहे की, “आरोपीने चित्र संपादित करून श्रीस्वामी समर्थांचा अपमान केला आहे. स्वामी समर्थांची महाराष्ट्रातील हिंदू मोठ्या संख्येने पूजा करतात. शिवाय, मुजाहिदने केवळ हिंदू संतच नव्हे तर संपादीत चित्रातून पंतप्रधान मोदींचाही अपमान केला आहे.