महाराष्ट्र बाजार पेठ परिवाराकडून कर्तृत्ववान महिलांचा सन्मान

 

 

मुंबई : महाराष्ट्र बाजार पेठ परिवार तर्फे जागतिक महिला दिनानिमित्त कर्तृत्ववान महिलांचा सन्मान सोहळा २०२४ आयोजित करण्यात आला होता. हा सोहळा सोमवार, दि. ११ मार्च २०२४ रोजी माटुंगा कलचरल हॉल आयोजित करण्यात आला होता. या कार्यक्रमात विविध क्षेत्रातील कर्तृत्ववान स्त्रियांना स्त्री सन्मान पुरस्कार देण्यात आला. ट्रॉफी, सन्मान पत्र, पैठणी साडी, पुष्प गुच्छ असे या पुरस्काराचे स्वरुप होते. हा पुरस्कार ३५ महिलांना देण्यात आला.

 

स्री सन्मान पुरस्कारानंतर उद्योग क्षेत्रात कर्तृत्व गाजवणाऱ्या महिलांना सुद्धा पुरस्काराचे वाटप करण्यात आले. या पुरस्कार वितरण सोहळ्याचे आयोजक महाराष्ट्र बाजार पेठचे संस्थापक अध्यक्ष डॉ.कौतिक दांडगे आणि महारष्ट्र बाजार पेठच्या मुख्य कार्यकारी अधिकारी अनुजा कौतिक दांडगे या होत्या.