ठाकरे गटाचे माजी नगरसेवक अभिषेक घोसाळकर यांची हत्या

मुंबई : ठाकरे गटाचे माजी नगरसेवक अभिषेक घोसाळकर यांची गुरुवार, दि. ८ फेब्रुवारी रोजी बोरिवली परिसरात गोळ्या घालून हत्या करण्यात आली. मॉरिस नरोन्हा असे आरोपीचे नाव असून, त्यानेही स्वतःवर गोळ्या झाडून आत्महत्या केली.

अभिषेक घोसाळकर यांनी मॉरिस नरोन्हा याच्या कार्यालयाला गुरुवारी भेट दिली. या भेटीदरम्यान मॉरिस याने फेसबुक लाईव्ह करीत त्यांना बोलण्याचे आवाहन केले. फेसबुक लाईव्ह सुरू असतानाच मॉरिसने अभिषेक यांच्यावर पाच गोळ्या झाडल्या. पैकी तीन गोळ्या लागल्याने त्यांना बोरिवली येथील करुणा रुग्णालयात दाखल करण्यात आले. मात्र, उपचारादरम्यान त्यांचा मृत्यू झाल्याची माहिती डॉक्टरांनी दिली.