‘कलम ३७०’ हटवण्यापुर्वी जम्मू-काश्मिरच्या राज्यपालांची फॅक्स मशिन खरंच बंद पडलं होतं का?

 

 

मुंबई : पंतप्रधान नरेंद्र मोदी यांच्या. मार्गदर्शनाखाली स्वातंत्र्यानंतर ७५ वर्षांनी एक महत्वपुर्ण आणि ऐतिहासिक निर्णय घेण्यात आला होता. या निर्णय होता जम्मू- काश्मिरमधूल कलम ३७० हटवण्याचा. ५ ऑगस्ट २०१९ रोजी जम्मू-काश्मिरमधून कलम ३७० हटवण्यात आले. ही संबंध घटना काय होती? हा निर्णय कसा घेतला गेला आणि त्यासाठी काय प्रयत्न केले गेले या सर्व गोष्टी आदित्य जांभळ दिग्दर्शित आणि आदित्य धर निर्मित 'आर्टिकल ३७०' या चित्रपटात दाखवण्यात आले आहे. २३ फेब्रुवारी रोजी हा चित्रपट प्रदर्शित झाला असून यात दाखवलेल्या सर्व घटना सत्य आहेत. यापैकीच एक घटना म्हणजे जम्मू-काश्मिरचे राज्यपाल सत्यपाल मलिक यांचे फॅक्स मशिन बिघडल्याची घटना.

 

‘आर्टिकल ३७०’ या चित्रपटात जम्मू-काश्मिरमधील राज्यपालांच्या कार्यालयातील फॅक्स मशीन बंद पडल्याची एक घटना दाखवण्यात आली आहे. तो किस्सा नेमकी काय आहे जाणून घेऊयात. तर, जम्मू-काश्मिरमधून ‘कलम ३७०’ जरी ५ ऑगस्ट २०१९ रोजी हटवले गेले असले तरी त्याची पुर्वतयारी ही चार ते पाच वर्षांपासून सुरुच होती. तर झाले असे की जम्मू-काश्मिकमध्ये राष्ट्रपती राजवट लागू करण्यात आली होती. त्यावेळी पीडीपी पार्टीच्या मेहबुबा मुफ्ती आणि आणि नॅशनल कॉन्फरन्स पार्टीचे ओमर अब्दुल्ला यांनी एकत्रित येत सरकार स्थापन करण्याची योजना आखली होती. यासाठी दोघांनी एकत्रित येत पत्र लिहून त्यावर आवश्यक स्वाक्षऱ्या घेऊन राज्यपाल सत्यपाल मलिक यांच्या कार्यालयात फॅक्सने ते पत्र पाठवले होते, परंतु, त्यावेळी राज्यपालांच्या कार्यालयातील फॅक्स मशील चालत नसल्याकारणाने ते पत्र राज्यपालांपर्यंत पोहोचू शकले नाही आणि मेहबुबा मुफ्ती आणि ओमर अब्दुल्ला यांचे सरकार काही स्थापन झाले नाही. आणि कालांतराने यशस्वीरित्या जम्मू- काश्मिरमधून ‘कलम ३७०’ हटवण्यात यश आले होते. हिच सत्य घटना आर्टिकल ३७० या चित्रपटाच दाखवण्यात आली आहे.

 

अभिनेत्री यामी गौतम आणि प्रिया मणि यांची प्रमूख भूमिका असलेल्या ‘आर्टिकल ३७०’ या चित्रपटात वैभव तत्ववादी, अरुण गोविल, किरण करमरकर यांनी देखील महत्वपुर्ण भूमिका साकारल्या आहेत.