‘माझे आरोग्य प्रकल्प २०२३-२४’: निरोगी आणि आनंदी आयुष्यासाठी....

भारतात दरवर्षी दि. २४ जानेवारी हा दिवस ‘राष्ट्रीय बालिका दिन’ म्हणून साजरा केला जातो. मुलींच्या हक्कांबद्दल जागरुकता वाढवणे, लैंगिक समानतेला प्रोत्साहन देणे आणि देशातील मुलींना भेडसावणार्‍या विविध आव्हानांना तोंड देणे, हा या दिनाचा उद्देश. असा हा ‘राष्ट्रीय बालिका दिन’ मुलींच्या शिक्षण आणि सक्षमीकरणाचे महत्त्व प्रकर्षाने अधोरेखित करतो.जानेवारीमध्ये ‘जीईबीबीएस हेल्थ केअर सोल्युशन्स’ आणि ‘पीपीएचएफ’ यांनी संयुक्तपणे ‘आनंद’ नामक कार्यक्रमाचे आयोजन केले होते. यावेळी किशोरवयीन मुली खूप उत्साही आणि आनंदी दिसल्या. त्यांचा या कार्यक्रमातील सहभाग उल्लेखनीय होता. प्रत्येक क्षणात त्या अगदी आनंदाने सहभागी झाले होते.

‘पीपीएचएफ’कडून मिश्रा यांनी म्हटल्याप्रमाणे, मोहम्मदी उर्दू शाळेमध्ये प्रोजेक्ट टीमने एक महत्त्वाचा कार्यक्रम साजरा केला. हा कार्यक्रम सूक्ष्म नियोजन आणि उत्साहाने भारलेला होता. या कार्यक्रमात ८० किशोरवयीन मुलींनी आकर्षक चित्रकला आणि निबंध स्पर्धांमध्ये सहभाग घेतला. “सर्जनशील अभिव्यक्ती आणि शैक्षणिक उपक्रमांच्या मिश्रणाद्वारे जागरूकता वाढवणे आणि या तरुण मनांना सक्षम बनवणे, हे या कार्यक्रमाचे मुख्य उद्दिष्ट होते. एक संस्मरणीय आणि प्रभावशाली अनुभव देण्यासाठी विद्यार्थ्यांनीही उत्स्फूर्त सहभाग नोंदविला,” असे मत ‘जीईबीबीए सीएसआर’च्या सल्लागार आणि एक अनुभवी व्यक्तिमत्व असलेल्या अंजू गोडबोले यांनी यावेळी बोलताना नोंदविले.

’माय हेल्थ प्रोजेक्ट’ हा सुदृढ आरोग्याला चालना देण्यासाठीचा उपक्रम आहे. गरोदर, स्तनदा महिला, शून्य ते दोन वर्षांची मुले आणि किशोरवयीन मुलींच्या आरोग्यावर लक्ष केंद्रित करून, आजवर २ हजार, १३७ लाभार्थ्यांना सेवा दिली आहे. तसेच दोन आरोग्य शिबिरे यशस्वीरित्या पूर्ण केली आहेत.हा प्रयत्न सर्वांगीण विकास आणि आनंदी समुदाय निर्माण करण्याच्या आमच्या वचनबद्धतेला अधोरेखित करतो. तसेच, आमची सामाजिक बांधिलकी प्रतिबिंबित करतो.

अधिक माहितीसाठी संपर्क :

०२२-६५०२३२०९

Email: info.nirabhra@gmail.com