"गांधी कुटुंबातील कुणीही...." भाजपचे केंद्रीय मंत्री हरदीप पुरी यांची काँग्रेसवर टीका

माध्यमांशी बोलताना पुरी म्हणाले की ज्या प्रकरे काँग्रेसचे लोक मनमोहन सिंग यांच्या मृत्यूनंतर राजकारण करत आहे, ही अत्यंत खेदजनक बाब आहे. काँग्रेसच्या नेत्यांना आत्मपरिक्षण करण्याची गरजा आहे. मनमोहन सिंग यांच्या अस्थी स्विकारण्यासाठी गांधी कुटुंबातील कुणीही पुढे आले नाही. केवळ माध्यमांसमोर चमकण्यासाठी आणि राजकारण करण्यासाठी गांधी कुटुंब आणि काँग्रेसचे लोक पुढे आले होते. वास्तविक त्यांना मनमोहन सिंग यांच्याबद्दल कुठल्याही प्रकारचा आदर नव्हता. भाजपचे अमित मालविय यांनी माध्यमांना दिलेल्या माहितीनुसार भाजपचे मनजिंदर सिंग सिरसा यांनी मनमोहन सिंग यांच्या कुटुंबासहीत डॉक्टरांच्या अस्थी स्विकारल्या. सिंग यांच्या अंत्यविधीसाठी शीख संगत या संघटनेचे सदस्य सुद्धा उपलब्ध होते. डॉ. मनमोहन सिंग यांचे २९ डिसेंबर रोजी शाही इतमामात अंत्यसंस्कार करण्यात आले.