प्लॅटफॉर्म तिकिटावर तात्पुरते निर्बंध

मुंबई, दि.२८ : प्रतिनिधी नववर्षाच्या स्वागतासाठी मुंबईत येणाऱ्या आणि जाणाऱ्यांची वाढती गर्दी लक्षात घेता, प्लॅटफॉर्मवरील गर्दी टाळण्यासाठी मध्य रेल्वेच्या मुख्य स्थानकांवर प्लॅटफॉर्म तिकीट विक्रीवर तात्पुरते निर्बंध टाकण्यात आले असल्याची माहिती मध्य रेल्वेने दिली आहे. दरम्यान, प्लॅटफॉर्मवर होणाऱ्या गर्दीचे व्यवस्थापन आणि स्थानक परिसरात प्रवाशांच्या गर्दीचे नियोजन करणे हे या निर्बंधाचे उद्दिष्ट आहे. हे प्लॅटफॉर्म तिकिट विक्रीचे निर्बंध २९-१२-२०२४ ते ०२-०१-२०२५ च्या मध्यरात्री १२ वाजेपर्यंत लागू असतील. वयोवृद्ध व्यक्ती, ज्येष्ठ नागरिक, आजारी व्यक्ती, लहान मुले, निरक्षर व्यक्ती आणि महिला प्रवासी ज्यांना एकट्याने प्रवास करता येत नाही अशांचा प्रवास सुलभ व्हावा या हेतूने सदर निर्बंधांमधून सूट देण्यात येत आहे. वर्षअखेरीच्या कालावधीत सुरळीत व सुरक्षित प्रवास अनुभवासाठी प्रवाशांनी त्यानुसार नियोजन करावे आणि नवीन नियमांचे पालन करावे ही विनंती करण्यात येत आहे.

1.छत्रपती शिवाजी महाराज टर्मिनस

2.दादर

3.लोकमान्य टिळक टर्मिनस

4.ठाणे

5.कल्याण

6.पनवेल

7.पुणे

8.नागपूर

9.नाशिक रोड

10.भुसावळ

11.अकोला

12.सोलापूर

13.कलबुर्गी

14.लातूर