भाजपकडून तीन महत्त्वपूर्ण समित्यांची घोषणा, प्रदेशाध्यक्ष चंद्रशेखर बावनकुळेंची माहिती

 

मुंबई : (Chandrashekhar Bawankule) भारतीय जनता पक्षाचे प्रदेशाध्यक्ष चंद्रशेखर बावनकुळे यांनी शनिवार दि. २८ डिसेंबर रोजी तीन महत्त्वपूर्ण समित्यांची घोषणा करण्यात आली आहे. यावेळेस पक्षाच्या काही नेत्यांवर महत्त्वाच्या जबाबदाऱ्या सोपवण्यात आल्या आहेत.

 

प्रदेश संघटनपर्व समितीचे प्रदेश प्रभारी म्हणून माजी मंत्री रवींद्र चव्हाण यांच्या नावाची घोषणा केली. भाजपच्या संघटनात्मक बांधणीच्या नियोजनाची जबाबदारी आमदार रवींद्र चव्हाण यांच्याकडे सोपविण्यात आली आहे. महाराष्ट्रात २१ डिसेंबरपासून संघटनपर्व सुरू करण्यात आले आहे. या पर्वाची सुरुवात नागपूर येथून कऱण्यात आली.

 

 

 

याचबरोबर प्रदेश अनुशासन समितीच्या अध्यक्षपदी माजी आमदार प्रा. अनिल सोले यांची नियुक्ती करण्यात आली आहे. या समितीत छत्रपती संभाजीनगरचे किशोर शितोळे, माजी केंद्रीय राज्यमंत्री डॉ. भारती पवार, मुंबईचे माजी आमदार अतुल शाह व पुणे येथील योगेश गोगावले यांना सदस्यपदी नियुक्त केले आहे.

 

 

 

 

प्रदेश सक्रिय सदस्यता अभियानाची घोषणा केली. अभियानाचे प्रमुखपदी प्रदेश सरचिटणीस राजेश पांडे (पुणे) व बीड येथील प्रवीण घुगे यांची अभियान सहप्रमुख म्हणून नियुक्ती करण्यात आली आहे. या तिन्ही समितीप्रमुखांची पत्रे प्रदेशाध्यक्ष चंद्रशेखर बावनकुळे यांनी जारी केले आहे.