कॅनडावर आर्थिक संकट! अर्थमंत्री क्रिस्टिया फ्रीलँड यांचा राजीनामा

आपला देश सध्या एका मोठ्या आर्थिक संकटातून जात असून, येत्या काळात अमेरीकेच्या करप्रणाली मुळे आपल्याला मोठा फटका बसणार आहे. ट्रम्प यांच्या धोरणांचा गांर्भीयाने विचार करायाला हवा असं फ्रीलँड यांनी आपल्या राजीनाम्यात म्हटले आहे. त्याच बरोबर ट्रूडो यांच्या आर्थीक धोरणांवर सुद्धा फ्रीलँड यांनी टीका केली आहे. ट्रूडो यांनी सरकारी योजनांच्या खर्चासाठी तिजोरी उघडी केल्यामुळे वाढत्या आर्थिक संकटाच्या पार्श्वभूमीवर कॅनडाला हे परवडणारे नाही, असे त्या म्हणाल्या. राजकीय दृष्ट्या दोघांमध्ये एकवाक्यता नसल्याचे देखील समोर आले आहे. फ्रीलँड यांना अर्थखात्यातून मुक्त करून दुसऱ्या विभागाची जबाबदारी देण्यात येणार होती. परंतु मंत्रिमंडळातून बाहेर पडणे हाच व्यवहार्य मार्ग असेल असे मत फ्रीलँड यांनी आपल्या पत्रात व्यक्त केले.