भारताचे सार्वभौमत्व, एकता अन् अखंडता धोक्यात आणण्याचा मोहम्मद जुबेरचा प्रयत्न

नवी दिल्ली : भारतीय न्याय संहितेच्या (बीएनएस) कलम १५२ अंतर्गत भारताचे सार्वभौमत्व, एकता आणि अखंडता धोक्यात आणल्याचा गुन्हा ऑल्ट न्यूजचा पत्रकार मोहम्मद जुबेरवर ( Mohammad Juber ) नोंदवण्यात आला असून, तसे एफआयआरमध्ये समाविष्ट केले आहे. प्रकरणाचा तपास करणार्‍या पोलीस अधिकार्‍याने ही माहिती अलाहाबाद उच्च न्यायालयास दिली आहे.

गाझियाबादच्या डासना देवी मंदिराचे पुजारी यती नरसिंहानंद यांच्या समर्थकांनी जुबेरने ’एक्स’वर केलेल्या ट्विटबाबत तक्रार केल्यानंतर एफआयआर दाखल करण्यात आला. अटकेपासून संरक्षणाची मागणी करत जुबेरने एफआयआरविरोधात उच्च न्यायालयात धाव घेतली होती. दि. २५ नोव्हेंबर रोजी, उच्च न्यायालयाने तपास अधिकार्‍यांना पुढील सुनावणीपर्यंत प्रतिज्ञापत्र दाखल करण्याचे निर्देश दिले, ज्यात जुबेरला कोणत्या कलमांतर्गत गोवण्यात आले आहे, ते स्पष्टपणे नमूद केले आहे.

याप्रकरणी गुरुवार, दि. २८ नोव्हेंबर रोजी तपास अधिकार्‍यांनी न्यायालयात सादर केलेल्या उत्तरात म्हटले आहे की, “एफआयआरमध्ये दोन नवीन कलमे जोडली गेली आहेत: माहिती तंत्रज्ञान कायद्याचे कलम ६६ आणि बीएनएसचे कलम १५२. न्यायालयाने दुरुस्तीला परवानगी दिली आणि पुढील सुनावणी दि. ३ डिसेंबर रोजी होणार आहे.”

जो कोणी, जाणूनबुजून किंवा हेतुपुरस्सर, तोंडी किंवा लिखित शब्दांद्वारे किंवा चिन्हांद्वारे, दृश्य चित्रणाद्वारे, इलेक्ट्रॉनिक संप्रेषणाद्वारे किंवा आर्थिक साधनांचा वापर करून अन्यथा, अलिप्तता किंवा सशस्त्र बंडखोरी किंवा विध्वंसक क्रियाकलापांना चिथावणी देतो किंवा चिथावणी देतो, फुटीरतावादी कारवायांना प्रोत्साहन देणे किंवा भारताचे सार्वभौमत्व किंवा एकता आणि अखंडता धोक्यात आणणे, किंवा अशा कोणत्याही कृत्यात सहभागी असेल किंवा त्यात सहभागी असेल, त्याला जन्मठेपेची किंवा सात वर्षांपर्यंत वाढू शकेल अशा कारावासाची शिक्षा होईल आणि तो दंडासही पात्र असेल.