अजमेर शरिफ नव्हे संकटमोचन महादेव मंदिर

नवी दिल्ली : अजमेर ( Ajmer Sharif ) येथील ख्वाजा मोईनुद्दीन हसन चिश्ती यांचा दर्गा हा मूळ संकटमोचन महादेव मंदिर असल्याचा दावा करणारी हिंदूंची याचिका न्यायालयाने मान्य केली आहे. न्यायालयाने ही याचिका सुनावणीस योग्य मानली आहे. याचा अर्थ आता न्यायालय या प्रकरणाची पुढील सुनावणी करणार आहे.

हिंदू सेनेचे राष्ट्रीय अध्यक्ष विष्णू गुप्ता यांनी ही याचिका दाखल केली आहे. याप्रकरणी दिवाणी न्यायाधीश क्रमांक २ चे न्यायाधीश मनमोहन चंदेल यांनी बुधवारी प्रतिवादीला नोटीस बजावली आहे. या याचिकेत दर्ग्याचे एएसआय सर्वेक्षण करण्याची मागणी करण्यात आली आहे, जेणेकरून अजमेर दर्गा पूर्वी शिवमंदिर होता की नाही हे शोधण्यासाठी पुरावे गोळा करता येतील. न्यायालयाच्या आदेशानुसार अजमेर दर्गा समिती, अल्पसंख्याक विभाग आणि एएसआय यांना नोटीस बजावण्यात येणार आहे.

याचिकेत दावा करण्यात आला होता की, दर्ग्याच्या जमिनीवर पूर्वी शिवाचे मंदिर होते. तेथे पूजा व जलाभिषेक करण्यात आला. दर्गा संकुलात जैन मंदिर असल्याचा दावाही करण्यात आला. याचिकेत अजमेरचे रहिवासी हरविलास शारदा यांनी 1911 मध्ये लिहिलेल्या पुस्तकाचा हवाला दिला होता. त्याआधारे दर्ग्याच्या जागी मंदिर असल्याचा पुरावा सांगितला होता, ज्यामध्ये दर्गा संकुलात सध्या असलेल्या ७५ फूट उंच दरवाजाच्या बांधकामात मंदिराच्या ढिगाऱ्याच्या खुणा असल्याचा दावा करण्यात आला आहे.तेथे तळघर किंवा गर्भगृह असल्याचीही चर्चा होती आणि तेथे एक शिवलिंग असल्याचे सांगितले जाते. असे विविध पुरावे हिंदू पक्षाकडून देण्यात आले होते.