अजानचा आवाज प्रत्येकाच्या हृदयापर्यंत पोहोचवा! त्यासाठी मशिदींवरील लाऊडस्पीकरची गरज नाही!

या निवडणुकीत स्वरा भास्करचा पती फहाद अहमद अणुशक्ती नगर विधानसभा मतदारसंघातून निवडणूकीच्या रिंगणात आहे. यादरम्यान स्वरा आपल्या पतीच्या प्रचारासाठी अणुशक्ती नगर विधानसभा मतदारसंघातील प्रचारसभेत लोकांना संबोधित करताना ती म्हणाली, “होय, हे खरं आहे की माझा जन्म एका हिंदू कुटुंबात झाला आणि हो, हेही खरं आहे की मी एका मुस्लिम मुलाशी लग्न केलं, आणि मला तुम्हाला अजून एक सत्य सांगायचं आहे की, मोहम्मद पैगंबर यांच्याविषयी मनात आदर असण्यासाठी तुम्ही कोणत्या जाती - धर्मात जन्माला आला याने काही फरक पडत नाही. महायुतीचे सरकार आल्यावर मशिदींवरील लाऊडस्पीकर काढू, असे लोक सांगत आहेत. या सगळ्यात मला एवढं नक्की समजलं आहे की मुस्लिमांच्या हृदयात आणि विश्वासात इतकी ताकद आहे की त्यांना या लाऊडस्पीकरची गरज नाही, कारण अजानचा आवाज प्रत्येकाच्या हृदयापर्यंत पोहोचतोच.”