दहिसरमध्ये दीड कोटींचे सोने जप्त!

मुंबई : विधानसभा निवडणुकीची धामधूम सुरू असताना, दहिसरमध्ये ( Dahisar ) तब्बल दोन किलो सोने जप्त करण्यात आले आहे. त्याचे बाजारमूल्य सुमारे दीड कोटी रुपये इतके आहे.

केंद्रीय खर्च निरीक्षक सौरभ कुमार शर्मा, निवडणूक निर्णय अधिकारी शीतल देशमुख यांच्या मार्गदर्शनाखाली नियमित तपासणीदरम्यान अवधूतनगर-दहिसर पश्चिम येथे ही कारवाई करण्यात आली. यतीन धोंडेकर यांच्या नेतृत्वाखालील स्थिर सर्वेक्षण पथक क्रमांक ९ ने १.४३ कोटीचे १.९५ किलो इतके बेहिशेबी सोने जप्त केले. मौल्यवान धातू आणि बेहिशेबी रोकड यांची अनधिकृत हालचाल रोखण्याच्या उद्देशाने नियमित पाळत ठेवण्याच्या उपायांपैकी एक भाग म्हणून ही जप्ती करण्यात आली. ही जप्ती निवडणुकीच्या काळात मतदारांवर प्रभाव टाकू शकणार्‍या रोख नगद, मौल्यवान धातू आणि मद्य यांच्या बेकायदेशीर व्यवहारांना आळा घालण्याच्या अनुषंगाने महत्त्वपूर्ण ठरते.