माजी खासदार प्रतापराव पाटील - चिखलीकर यांचा राष्ट्रवादी काँग्रेसमध्ये पक्षप्रवेश

 

 

मुंबई : ( Prataprao Patil-chikhalikar ) माजी खासदार प्रतापराव पाटील - चिखलीकर यांनी आज राष्ट्रवादी काँग्रेस पक्षाचे राष्ट्रीय अध्यक्ष आणि उपमुख्यमंत्री अजितदादा पवार यांच्या उपस्थितीत राष्ट्रवादी काँग्रेसमध्ये जाहीर प्रवेश केला.

 

माजी खासदार प्रतापराव पाटील - चिखलीकर यांनी पक्षप्रवेश केल्यानंतर लगेचच राष्ट्रवादी काँग्रेसच्यावतीने त्यांचे लोहा - कंधार विधानसभा मतदारसंघात उमेदवार म्हणून नावाची घोषणा करण्यात आली. शिवाय एबी फॉर्मही राष्ट्रीय अध्यक्ष आणि उपमुख्यमंत्री अजित पवार व प्रदेशाध्यक्ष खासदार सुनिल तटकरे यांनी दिला.

 

यावेळी राष्ट्रवादी काँग्रेसचे राष्ट्रीय अध्यक्ष आणि उपमुख्यमंत्री अजित पवार, प्रदेशाध्यक्ष खासदार सुनिल तटकरे, पक्षाचे कोषाध्यक्ष आमदार शिवाजीराव गर्जे, प्रदेश प्रवक्ते संजय तटकरे, आमदार इद्रीस नायकवडी, प्रदेश सरचिटणीस लतिफ तांबोळी, सहकोषाध्यक्ष संजय बोरगे आदी उपस्थित होते.