रेल्वे तिकीट आरक्षण करणाऱ्यांसाठी महत्वाची अपडेट! तिकीट बुकींगचा कालावधी केला कमी

भारतीय रेल्वेच्या नव्या नियमानुसार, आता १२० दिवस नाही तर केवळ ६० आधी रेल्वे तिकीट आरक्षित करता येणार आहे. भारतीय रेल्वेने एआरपी म्हणजेच अ‍ॅडव्हान्स्ड रिझर्व्हेशन पीरियड दोन महिन्यांनी कमी केला आहे. रेल्वेचा नवीन नियम येत्या १ नोव्हेंबरपासून लागू होणार आहे. त्यामुळे ३१ ऑक्टोबर पर्यंत, केलेले सगळे बुकींग्स कायम राहतील. हा नवा नियम भारतीय नागरिकांसह परदेशी प्रवाशांनाही लागू होणार आहे. यासह ज्या रेल्वे गाड्यांचा एआरपी आधीच कमी आहे. त्यावर नव्या नियमाचा कोणताही परिणाम होणार नाही. यामध्ये गोमती एक्सप्रेस व ताज एक्सप्रेससारख्या गाड्यांचा समावेश आहे. लोकांच्या प्रवासाचे नियोजन सोप्पे व्हावे. त्यांनी रेल्वे सेवेचा जास्तीत जास्त लाभ घ्यावा म्हणून हा बदल करण्यात आल्याचे बोलले जात आहे.