पावनगडावरील अतिक्रमणावर प्रशासनाची मोठी कारवाई! अनधिकृत मदरसे जमीनदोस्त

कोल्हापूर : कोल्हापूर जिल्ह्यातील पन्हाळगड जवळच्या पावनगडावरील अतिक्रमण प्रशासनाने हटवलं आहे. रात्री उशीरा ही कारवाई सुरु करण्यात आली होती. त्यानंतर शनिवारी सकाळी हे अतिक्रमण हटवण्यात आले आहे. दरम्यान, सुरक्षेसाठी याठिकाणी मोठा पोलिस बंदोबस्त तैनात करण्यात आला आहे.

 

मिळालेल्या माहितीनुसार, अनेक वर्षांपासून पावनगडावर अनधिकृत मदरसे चालवले जात होते. हिंदुत्त्ववादी संघटनांनी याप्रकरणी तक्रार केल्यानंतर आता यावर कारवाई करण्यात आली आहे. या मदरशांमध्ये उत्तर प्रदेश आणि बिहारमधील विद्यार्थी शिक्षण घेत असून कारवाईच्या आधी त्यांना दुसरीकडे ठिकाणी हलवण्यात आले आहे.

 

कोल्हापूर जिल्ह्यातील पन्हाळगड हा ऐतिहासिक किल्ला आहे. या किल्ल्याला लागूनच छत्रपती शिवाजी महाराजांनी पावनगड किल्ला बांधला होता. पावनगड किल्ला हा पन्हाळ गडाचाच एक भाग असल्याचे मानले जाते. दरम्यान, गेल्या अनेक वर्षांपासून याठिकाणी अतिक्रमण करून मदरसे चालवण्यात येत होते. हिंदुत्त्ववादी संघटनांकडून याबद्दलची तक्रार करण्यात आली होती. त्यानंतर आता पावनगडावरील हे अतिक्रमण हटवण्यात प्रशासनाला यश आले आहे.