कोरोना रुग्णसंख्येत वाढ; मुंबईत २६ ‘कोरोना’बाधित

मुंबई : मुंबईकरांची काळजी वाढवणारी बातमी आहे. मुंबई महापालिका प्रशासनाच्यावतीने मंगळवार, दि. २ जानेवारी रोजी देण्यात आलेल्या माहितीनुसार, महापालिका क्षेत्रात २६ नव्या कोरोनाबाधित रुग्णांची भर पडली. त्यामुळे दि. १ डिसेंबर ते सद्यःस्थितीत एकूण २५४ कोरोनाबाधितांची नोंद करण्यात आली असून १३७ सक्रिय रुग्ण आहेत. समाधानाची बाब म्हणजे कोरोनाच्या नव्या विषाणूचा एकही रूग्ण मुंबईत आढळलेला नाही.