‘दयाळ’ – सांगलीचा शहरपक्षी म्हणुन घोषित

बर्ड साँग एजुकेशन अँड रिसर्च या संस्थेच्या पुढाकारातुन शहरपक्षी निवडण्यासाठी निवडणुक घेण्यात आली. या निवडणुकीत तांबट, हळदी कुंकू बदक, शिक्रा, दयाळ, राखी धनेश अशा पाट पक्ष्यांना उमेदवार करण्यात आलं होतं. सर्वाधिक मते मिळवणाऱ्या पक्ष्याला शहरपक्ष्याचा मान देण्यात येईल असे ठरले. केवळ चित्रांच्या आधारे मतदान न घेता स्थानिक भागांमध्ये फिरवुन पक्षी प्रत्यक्ष दाखवत त्याबद्दल माहिती सांगुन त्यानंतर हे मतदान घेतले गेले. विशेष म्हणजे, या मतदानाच्या प्रक्रियेत दोन हजारांहुन अधिक जणांनी भाग घेतला असुन त्यात काही अंध विद्यार्थ्यांचा ही समावेश होता.