श्री. र. वर्तक लिखित ‘स्वा. सावरकरांची प्रभावळ (भाग-१)

त्यांची नावे अशी - शाहिर गोविंद त्रिंबक तथा आबा दरेकर, कृष्णाजी बळवंत महाबळ, विष्णू महादेव भट, सखाराम दादाजी गोर्‍हे, कृष्णाजी गोपाळ खरे, गोपाळ कृष्ण पाटणकर, कृष्णाजी गोपाळ कर्वे, अनंत कान्हेरे, विनायक नारायण देशपांडे, वामन नारायण ऊर्फ दाजी जोशी, शंकर सोमण , वामन सखाराम तथा बाबासाहेब खरे , बाळकृष्ण जनारदन मराठे, शंकर नारायण मोघे, दाजी नागेश आपटे, नारायण तथा धोंडो रघुनाथ (नाना) वर्तक, त्रिंबक रघुनाथ वर्तक, श्रीधर रघुनाथ वर्तक, गणेश बाबाजी काथे, रामचंद्र बाबाजी काथे, विश्वनाथ विनायक केळकर, महादेव बळवंत गाडगीळ, विठ्ठल बाळकृष्ण जोशी, हरी अनंत थत्ते, विष्णू गणेश केळकर, गणेश वासुदेव जोगळेकर, रामभाऊ केशव दातार, वामन केशव दातार, दामोदर महादेव चंद्रात्रे आणि डॉ. वासुदेव विष्णू आठल्ये. या सर्वांची तसेच त्यांच्या कुटुंबांची प्रत्येकी दोन-तीन पाने माहिती या पुस्तकात वर्तक यांनी दिलेली आहे. याशिवाय ‘भगूरचे बालमित्र’ या नावाचे एक प्रकरणदेखील लेखकाने लिहिले आहे. वर दिलेल्या व्यक्ती सोडून इतरही अनेकांचा उल्लेख या पुस्तकात आला आहे. त्याशिवाय मित्रमेळा (नाशिक शाखा), अभिनव भारत मंदिर, मित्रमेळा (मुंबई शाखा) यांच्याविषयी स्वतंत्र प्रकरणे लिहिलेली आहेत. त्यामुळे त्या काळात घडलेल्या अनेक घटनांचा तसेच अनेक देशभक्तांच्या कार्याचा महत्त्वाचा दस्तऐवज तयार झाला आहे.