गणपतीची पूजा केली म्हणून भाव्याश्रीला शिक्षिकेकडून मारहाण!
22 Sep 2023 11:05:47
बेंगलुरु : कर्नाटकात सातवीच्या वर्गातील विद्यार्थ्याने शाळेत गणरायाची पूजा केली म्हणून महिला शिक्षकाने त्याला बेदम मारहाण केली. महिला शिक्षिकेने विद्यार्थ्याला मारहाण करून त्याचा हात तोडला. यावरून कुटुंबीयांनी गोंधळ घातला. यानंतर आरोपी शिक्षिकेला निलंबित करण्यात आले आहे. याशिवाय विद्यार्थ्यावर उपचार करण्याचे आदेशही दिले आहेत.
हे प्रकरण केजीएफ तालुक्यातील आहे, जिथे अलिकाली गावातील प्राथमिक शाळेत सातवी इयत्तेत शिकणारा विद्यार्थी भाव्याश्री हात त्याच्या शिक्षकाने तोडला होता. हेमलता असे भाव्यश्रीचा हात तोडणाऱ्या शिक्षिकेचे नाव आहे. या प्रकरणी विद्यार्थ्याच्या कुटुंबीयांनी गोंधळ घातला आणि ब्लॉक शिक्षण अधिकारी (बीईओ) मुनी व्यंकटरमाचारी यांच्याकडे तक्रार केली, त्यानंतर आरोपी शिक्षिकेला निलंबित करण्यात आले आहे.
ब्लॉक एज्युकेशन ऑफिसर (बीईओ) मुनी वेंकटरामाचारी यांच्या शिफारशीवरून कोलारचे सार्वजनिक शिक्षण संचालक कृष्णमूर्ती यांनी महिला शिक्षिकेच्या निलंबनाचे आदेश जारी केले. तसेच आरोपी शिक्षिका हेमलता हिला विद्यार्थ्याचा वैद्यकीय खर्च उचलण्याचे आदेश दिले आहेत. याप्रकरणी ग्रामस्थांनी अधिकाऱ्यांसमोर जोरदार निदर्शनेही केली होती.
दरम्यान दोन दिवसांपूर्वी मध्य प्रदेशातील ग्वाल्हेरमध्ये एक प्रकरण समोर आले होते. तिकडे गणेश मंडपामध्ये आरती करत असलेल्या हिंदू कुटुंबावर कट्टपंथींनी हल्ला केला. यामध्ये आई आणि मुलासह ४ जण जखमी झाले आहेत. या घटनेत सलमान, छोटू खान आणि त्यांच्या दोन साथीदारांची नावे समोर आली होती.