शाहवाज आणि अरबाजने तिचा स्कार्फ ओढला, फैजलने तिला बाईकने चिरडले; पीडितेचा मृत्यू!

लखनऊ : उत्तर प्रदेशातील आंबेडकर नगरमध्ये एका मुलीचा विनयभंगामुळे मृत्यू झाला. पीडित मुलगी दि. १५ सप्टेंबर रोजी सायंकाळी सायकलवरून शाळेतून घरी परतत होता. दरम्यान, शाहवाज आणि अरबाज नावाच्या दुचाकीस्वार तरुणांनी तिचा दुपट्टा ओढला. यामुळे ती पडली. दरम्यान, पाठीमागून येणाऱ्या फैजलने तरुणीला त्याच्या दुचाकीने चिरडले. यामुळे तिचा जीव गेला.

 

मीडिया रिपोर्ट्सनुसार, हे प्रकरण आंबेडकर नगर जिल्ह्यातील हंसवार पोलिस स्टेशनच्या हिरापूर मार्केट परिसरातील आहे. येथील रामराजी इंटर कॉलेजमध्ये इयत्ता १२ वीत शिकणारी १७ वर्षीय मुलगी शाळा संपवून नेहमीप्रमाणे घरी परतत होती. दरम्यान, शाहवाज आणि अरबाज तिचा पाठलाग करत आले आणि तिचा दुपट्टा ओढला. मुलगी सायकलवर होती. त्यामुळे तिचा तोल गेला आणि ती रस्त्याच्या मधोमध पडली.

दरम्यान, फैजल नावाचा दुचाकीस्वारही तेथून जात होता. मुलगी पडताच फैजलही मागून आला आणि तिच्या अंगावर दुचाकी चालवली. यामुळे ती गंभीर जखमी झाली. या घटनेची माहिती मिळताच मुलीच्या कुटुंबीयांनीही घटनास्थळ गाठून तिला तातडीने रुग्णालयात दाखल केले. तेथे डॉक्टरांनी त्यांना मृत घोषित केले. ही संपूर्ण घटना जवळच असलेल्या सीसीटीव्हीमध्ये कैद झाली आहे. त्याचे फुटेज सोशल मीडियावर मोठ्या प्रमाणात व्हायरल होत आहे.

याप्रकरणी पीडित मुलीच्या वडिलांचे म्हणणे आहे की, विनयभंगामुळे झालेल्या अपघातात आपल्या मुलीचे डोके आणि जबडा फाटला होता. यामुळे तिचा मृत्यू झाला. काही मुलांकडून छळ आणि विनयभंग होत असल्याबद्दल त्याच्या मुलीने आपल्याला सांगितले होते, असेही त्याने सांगितले. छेडछाड करणाऱ्या मुलांची नावे शाहवाज आणि अरबाज आहेत.

पीडितेच्या कुटुंबीयांच्या तक्रारीच्या आधारे पोलिसांनी शाहवाज, अरबाज आणि फैसल यांच्याविरुद्ध गुन्हा दाखल करून तिघांनाही अटक केली आहे. तिन्ही आरोपींची कसून चौकशी केली जात असून चौकशी सुरू असल्याचे पोलिसांचे म्हणणे आहे. घटनेत वापरलेली दुचाकी जप्त करण्यात आली आहे.