कॅनडाचे पंतप्रधान भारतात अडकले; विमानात बिघाड झाल्याने दिल्लीतच मुक्काम

दिल्ली : नुकतीच दिल्ली येथे जी-20 परिषद पार पडली. त्यासाठी अनेक देशांतील प्रतिनिधी उपस्थित झाले होते. जी-20 परिषदेनंतर हे सगळे आपापल्या मायदेशी परतले. परंतु, कॅनडाचे पंतप्रधान मात्र अजूनही भारतातच अडकले आहेत. कॅनडाचे पंतप्रधान जस्टीन टुडो यांच्या विमानात बिघाड आल्यामुळे त्यांना भारतातच थांबावे लागले आहे. ते रविवारी इथून आपल्या मायदेशी परतणार होते परंतू, त्यांच्या विमानात तांत्रिक बिघाड आला आणि ते दिल्लीत अडकून पडले आहेत.