'शिवशक्ती' पॉईंटच्या नामकरणाला काँग्रेसचा विरोध

नवी दिल्ली : पंतप्रधान नरेंद्र मोदींनी चांद्रयान ३ च्या लँडिंग ठिकाणाला 'शिवशक्ती' असे नाव काय दिले, काँग्रेस संतापली. रशीद अल्वी म्हणाले की, 'आम्ही चंद्राचे मालक नाही की आम्ही आमच्या पद्धतीने नाव ठेवू'. रशीद अल्वी म्हणाले की, चांद्रयान १ च्या इम्पॅक्ट पॉइंटला काँग्रेस सरकारने 'जवाहर पॉइंट' असे नाव दिले आहे, तेव्हा रशीद अल्वी यांनी वेगळाच सूर लावला.

दरम्यान रशीद अल्वी यांना वृत्तसंस्थेच्या निवेदकाने सांगितले की, जर भाजप सरकारला हवे असते तर ते अटलबिहारी वाजपेयी किंवा नरेंद्र मोदी यांचे नाव देऊ शकले असते. पण त्यांनी तसे केले नाही. त्यामुळे भाजप देशाला प्रथम मानते, कुटुंबाला नाही' असे भाजपचे म्हणणे आहे.

 

यावर रशीद अल्वी म्हणाले की, तुलना नाही. जवाहरलाल नेहरूंनीच इस्रो बनवले आहे. त्याचं नाव ठेवायला हरकत नाही. त्यांनी आणि विक्रम साराभाई यांनी मिळून बनवले. आज इस्रो जे काही आहे ते जवाहरलाल नेहरूंमुळेच आहे. त्याचवेळी भाजपने असे करून राजकीय फायदा घेण्याचा प्रयत्न केला आहे. यावर राजकारण केले जात आहे.याप्रकरणी अँकरने काँग्रेस नेते राशिद अल्वी यांना 'शिवशक्ती'चे नाव देण्यावरून राजकारण कसे खेळले जात आहे, असा प्रश्न विचारला असता त्यांनी माध्यमांशी बोलणे टाळले.

दरम्यान कर्तव्यदक्ष पंतप्रधान ग्रीसहून परतल्यानंतर इस्रोच्या कमांड सेंटरमध्ये पोहोचले.चंद्रयान 3 चे लँडर आणि रोव्हर यशस्वीरित्या चंद्रावर पोहोचले तेव्हा पंतप्रधान नरेंद्र मोदी दक्षिण आफ्रिकेत होते. त्यावेळी ते व्हिडीओ कॉन्फरन्सिंगद्वारे इस्रो कमांड सेंटरशी जोडले गेले होते. दक्षिण आफ्रिकेतून ते थेट ग्रीसच्या अधिकृत भेटीवर गेले.

ग्रीसचा दौरा संपवताच त्यांनी थेट इस्रोच्या कमांड सेंटरमध्ये जाऊन शास्त्रज्ञांची भेट घेतली. यादरम्यान त्यांनी चांद्रयान २ आणि चांद्रयान ३ च्या लँडिंग साइटचे नाव देखील ठेवले. तसेच दरवर्षी २३ ऑगस्ट हा दिवस 'इंडियन स्पेस डे' म्हणून साजरा करण्याची घोषणा केली.त्यामुळे काँग्रेसच्या विरोधाने देशाच्या विकासाला खिळ बसणार नाही हे सिद्ध झाले.