मुंबई सेंट्रल ते बोरिवलीदरम्यानच्या सहाव्या मार्गिकेला उच्च न्यायालयाची परवानगी

मुंबई सेंट्रल ते बोरिवलीदरम्यान सहाव्या मार्गिकेसाठी सुमारे ३० किमीची मार्गिका उभारण्यात येत असून याकरिता तब्बल ९१८ कोटींचा खर्च अपेक्षित आहे. मात्र या सहाव्या मार्गिकेलगत असणाऱ्या 'श्रीजी किरण' या इमारतीचा काही भाग या मार्गिकेत येत असल्यामुळे २०१५ पासून या प्रकल्पात अडथळा निर्माण झाला. यातील चार प्रकल्पबाधितांना आर्थिक भरपाई देत रेल्वेने यावर तोडगा जरी काढला तरी इमारतीचे मूळ मालक धारिया कुटुंबीयांनी उच्च न्यायालयात रिट याचिका दाखल करत भूसंपादनाच्या प्रक्रियेस आव्हान दिल्यामुळे ही मार्गिका आठ वर्षांपासून रखडली होती.