सातारा: छत्रपती शिवाजी महाराजांबद्दल आक्षेपार्ह पोस्टमुळे तणाव!

 

 

 

सातारा: महाराष्ट्राचे आराध्य दैवत छत्रपती शिवाजी महाराजांविषयी आक्षेपारर्ह पोस्ट केल्याने साताऱ्यात तणावाची परिस्थिती निर्माण झाली आहे. या घटनेने हिंदुत्त्ववादी संघटनांचे कार्यकर्ते आक्रमक झाले असुन घोषणाबाजी करत तीव्र निदर्शने केली. या परकरणी गुन्हा दाखल झाला असुन आरोपी अल्पवयीन असल्याचे सांगण्यात येत आहे. या आरोपीचे इन्टाग्रामअकाऊंट अन्य कोणी ऑपरेट करत असल्याचा संशय व्यक्त केला जात आहे.

 

आक्षेपार्ह पोस्ट निदर्शनास आल्याने काही वेळातच वातावरण तापले. हिंदुत्त्ववादी संघटनांच्या कार्यकर्त्यांनी मोठ्या संख्येने जिल्हाधिकारी कार्यालयात एकत्र जमत कार्यालयाच्या दारातच ठाण मांडले. अशा प्रवृत्तींना ठेचुन काढा, गुन्हेगारांवर कठोर कारवाई करा अशी संतप्त जमावाची मागणी होती. त्यानंतर हा जमाव कार्यालयाबाहेर आला आणि त्यांनी रस्त्यावर बसुन घोषणाबाजी केली. या आंदोलकांमध्ये महाविद्यालयीन विद्यार्थांचा जास्त सहभाग पाहायला मिळाला.

 

संबंधितांवर कडक कारवाई करण्याचे आश्वासन पालकमंत्री शंभुराज देसाई यांनी दिल्यानंतर तणाव निवळला.