ब्रिटनचे पंतप्रधानांनी लावले जय श्री रामचे नारे! म्हणाले, "मी हिंदू म्हणून..."

मुंबई : ब्रिटनचे पंतप्रधान ऋषी सुनक यांनी मंगळवारी (१५ ऑगस्ट, २०२३) केंब्रिज विद्यापीठात चालू असलेल्या मोरारी बापूंच्या राम कथेत भाग घेतला. यावेळी त्यांनी जय श्री रामचा नाराही दिला. ब्रिटीश विद्यापीठात 'मानस विद्यापीठ' नावाचा कार्यक्रम नियमितपणे चालवला जातो, ज्याच्या ९२१ व्या कार्यक्रमात मोरारी बापू पोहोचले आहेत. ऋषी सुनक यांनीही भाषण सुरू करण्यापूर्वी मोरारी बापूंच्या व्यासपीठाला नमन केले.

 

मोरारी बापूंसोबत या कार्यक्रमात हजेरी लावणे ही आपल्यासाठी अत्यंत सन्मानाची आणि प्रतिष्ठेची बाब असल्याचे ते म्हणाले. आज भारताचा स्वातंत्र्यदिनही असल्याची आठवण त्यांनी सांगितली. ते म्हणाले की, आज मी येथे पंतप्रधान म्हणून नाही तर हिंदू म्हणून आलो आहे. ब्रिटनच्या पंतप्रधानांनी दिवाळीच्या साजरा करण्याच्या आपल्या आठवणीही लोकांना सांगितल्या. त्यांनी सांगितले की त्यांच्या डेस्कवर गणपतीची सोन्याची मूर्ती देखील आहे.

 

मोरारी बापू यांच्याविषयी बोलताना ऋषी सुनक म्हणाले की, "तुम्ही दिलेल्या सत्य, दयाळूपणा आणि प्रेमाच्या शिकवणी या काळात अधिक प्रासंगिक आहेत." त्यांनी मोरारी बापूंच्या 'ज्योतिर्लिंग रामकथा यात्रे'चेही कौतुक केले, ऋषी सुनक यांनी व्यासपीठावरील आरतीमध्ये सहभाग घेतला. यावेळी मोरारी बापूंनी ब्रिटनच्या पंतप्रधानांना सोमनाथ शिवलिंगाची प्रतिकृती भेट दिली.