'राहुल गांधीकडे मुलींची कमी नाही' ; काँग्रेसच्या महिला आमदारांचे वादग्रस्त विधान!

11 Aug 2023 12:15:18
Neetu Singh Controversial statement on flying kiss

नवी दिल्ली : लोकसभेत अविश्वास प्रस्तावावरील चर्चेदरम्यान एका महिला खासदाराला फ्लाइंग किस दिल्याचा आरोप काँग्रेस नेते राहुल गांधींवर करण्यात आला होता. या कृत्याबद्दल भाजपच्या महिला खासदारांनीही त्यांच्यावर कारवाई करण्याची मागणी केली होती. आता काँग्रेसच्या एका महिला आमदाराने आपल्या पक्षाच्या नेत्याच्या बचावासाठी अजब विधान केले आहे. या महिला आमदाराच्या म्हणण्यानुसार, जर राहुल गांधींना फ्लाइंग किस द्यायचे असेल तर ते एका मुलीला देतील?,असे वादग्रस्त विधान केले आहे.

 

नीतू सिंह असे या काँग्रेसच्या महिला नेत्याचे नाव आहे. त्या बिहारमधील नवादा येथील हिसुआ येथून आमदार आहेत. मीडियाशी बोलताना ते म्हणाले, “आमच्या राहुलजींना मुलींची कमतरता नाही. जर त्यांना फ्लाइंग किस द्यायचे असेल तर ते मुलीला देतील? त्यामुळे हे सर्व आरोप निराधार आहेत.




राहुल गांधींचा बचाव करण्याऐवजी नीतू सिंह यांच्या वक्तव्याने नवा वाद निर्माण झाला आहे. भाजपचे प्रवक्ते गौरव भाटिया यांनी नीतू सिंह यांच्या या वक्तव्याला लाजिरवाणे म्हटले आहे.




भाजप महिला मोर्चाच्या मीडिया प्रभारी नीतू डबास यांनी ट्विट केले की, "काँग्रेस नेते प्रत्येक वेळी त्यांच्या असभ्य वर्तनाने महिलांचा अपमान करतात. ‘राहुल गांधींना मुलींची कमतरता नाही' असे विधान म्हणजे काँग्रेस आमदार नीतू सिंह यांची संकुचित बुद्धी आहे. म्हणजे जे काम नेहरू करत होते, तेच काम आता राहुल गांधी करतात. यापेक्षा लज्जास्पद काही असू शकते का?



त्याचवेळी भाजप नेते अभिषेक आचार्य यांनी लिहिले की, “ही काँग्रेस आमदार नीतू सिंह यांची घसरलेली मानसिकता आणि शब्द एवढ्या खालच्या पातळीचे आहेत की सुप्रिया श्रीनाटे यांची घाणेरडी जीभ कमी पडते. त्या बरोबर आहेत, तुमच्या राहुलजींना मुलींची कमतरता नाही. आम्ही त्यांचे अनेक व्हायरल व्हिडिओ पाहिले आहेत आणि राहुल गांधी बँकॉकला का जातात हे देखील माहित आहे.

दरम्यान भाजपच्या २० महिला खासदारांनीही लोकसभा अध्यक्ष ओम बिर्ला यांना पत्र लिहून काँग्रेसचे माजी अध्यक्ष राहुल गांधी यांच्या कथित फ्लाइंग किसबद्दल तक्रार केली आहे.
 
 
Powered By Sangraha 9.0