मशिदीत राहायला जागा दिली नाही; मग मोहम्मद अन्वरने, 'मशिदीत बॉम्ब....'

तसेच सय्यद मोहम्मद अन्वर हा मदरसा चालवण्याच्या नावाखाली लोकांकडून देणगी गोळा करतो. ५ जुलै रोजी तो बेंगळुरूच्या शिवाजी नगर भागात असलेल्या आझम मशिदीतही पोहोचला. तिथे त्यांने मशीद समितीकडे राहण्यासाठी जागा मागितली. मात्र मशिदीच्या कर्मचाऱ्यांनी त्याला तेथे राहण्यास नकार दिला. या गोष्टीचा राग आल्याने त्यांने बेंगळुरू येथील मॅजेस्टिक बसस्थानकावरून बस पकडली आणि आंध्र प्रदेशातील कर्नूलला जाण्यासाठी बसमध्ये चढला. त्यानंतर, बस बेंगळुरूच्या बाहेरील देवनहल्लीजवळ आल्यावर त्याने पोलिस हेल्पलाइन क्रमांक ११२ वर कॉल केला. आणि दहशतवाद्यांनी मशिदीत बॉम्ब ठेवल्याचे पोलिसांना सांगितले. त्यांने ही सर्व माहिती उर्दूमध्ये दिली.

मशिदीत बॉम्ब असल्याची माहिती मिळताच आजूबाजूच्या परिसरात भीतीचे वातावरण निर्माण झाले होते. पोलीस, अग्निशमन दल, आपत्कालीन सेवा, बॉम्ब निकामी पथक, श्वान पथकासह सर्व यंत्रणा सक्रिय होऊन घटनास्थळी पोहोचल्या. मशिदीत झाडाझडती करण्यात आली. आजूबाजूच्या परिसराचीही तपासणी करण्यात आली. पण काहीही सापडले नाही. यानंतर पोलिसांनी शोधमोहीम थांबवून फोन करणाऱ्याचा शोध सुरू केला.