बलात्कार करून व्हिडिओ बनवला, धर्मांतर करून लग्न, नंतर गर्भपात ; खुर्शीद हाश्मीला अटक!

gorakhpur police arrested khurshid hashmi

लखनऊ : उत्तर प्रदेशच्या गोरखपूर पोलिसांनी खुर्शीदला अटक केली आहे. त्याच्यावर एका विवाहित महिलेवर बलात्कार आणि जबरदस्तीने धर्मांतर केल्याचा आरोप आहे. सहानुभूती व्यक्त करत तो पतीपासून विभक्त राहणाऱ्या या महिलेच्या जवळ आला. त्यानंतर मैत्री आणि प्रेमाचे नाटक करून पीडितेवर अत्याचार केले. २६ जून रोजी पीडित महिलेच्या तक्रारीनंतर पोलिसांनी खुर्शीदला अटक केली आहे.

हे प्रकरण गोरखपूरच्या राजघाट पोलीस स्टेशन क्षेत्राशी संबंधित आहे. खुर्शीद यांच्यावर बलात्कार, गर्भपात, धर्मांतर, मारहाण आणि ब्लॅकमेलिंगचा आरोप करत महिलेने पोलिसांत तक्रार दाखल केली आहे. तक्रारीत पीडितेने म्हटले आहे की, वाराणसीमध्ये ५ वर्षांपूर्वी तिचा विवाह झाला होता. या लग्नापासून महिलेला एक मुलगी झाली जी आता ३ वर्षांची आहे. दोन वर्षांपूर्वी महिलेला तिच्या पतीने सोडून दिले आणि दुसरे लग्न केले.

यानंतर ही महिला आपल्या मुलासह वाराणसीहून गोरखपूरला आली. जागरण आणि ऑर्केस्ट्रामध्ये ती काम करू लागली. ती जिथे काम करत होती तिथेच उत्तर प्रदेशातील महाराजगंज जिल्ह्यातील रहिवासी असलेला खुर्शीद हाश्मी ही ऑर्केस्ट्रामध्ये वाद्य वाजवण्याचे काम करत होता.त्यामुळे काही दिवसात महिलेला विश्वासात घेऊन खुर्शीदने पीडितेला प्रेमाच्या जाळ्यात अडकवले.

एके दिवशी खुर्शीद यांनी पीडितेला आपल्या घरी बोलावले. याठिकाणी त्याने महिलेला जेवणात नशा आणणारा पदार्थ मिसळून पीडितेला बेशुद्ध केले.त्यानंतर बेशुद्ध अवस्थेत पीडितेवर बलात्कार केला. तसेच अश्लील व्हिडिओ बनवले. मात्र पीडित महिलेला हे कळताच तिने खुर्शीदला व्हिडीओ डिलीट करण्यास सांगितले. मात्र खुर्शीद यांनी ते मान्य केले नाही आणि महिलेला ब्लॅकमेल करण्यास सुरुवात केली. काही वेळानंतर खुर्शीदने पीडितेला तुर्कमानपूर परिसरात नेले. तेथे त्याने पीडितेला मुलासह भाड्याच्या खोलीत ठेवले.

भाड्याच्या घरात राहून खुर्शीदने पीडितेसोबत अनेकवेळा बळजबरीने शारीरिक संबंध ठेवले. स्वत:ला अविवाहित असल्याचे भासवून महिलेचे धर्मांतर करून तिच्याशी लग्न केले. काही वेळाने पीडित महिला गरोदर राहिली. दरम्यान, खुर्शीद यांचे आधीच लग्न झाल्याचे तिला समजले. महिलेने विरोध केला असता खुर्शीदने तिला बेदम मारहाण केली. यानंतर खुर्शीद यांने पीडितेचा गर्भपात करून घेतला. दरम्यान खुर्शीद महिलेच्या मुलीलाही मारहाण करायचा. पीडितेला जीवे मारण्याची धमकी देऊन घराबाहेर हाकलून दिले. यानंतर पीडितेने पोलिस ठाण्यात तक्रार दिली.